ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເລີ່ມແຕ່ວັນທີ 11 ກໍລະກົດນີ້ເປັນຕົ້ນໄປ, ອົງການການຄ້າໂລກ ຫຼື WTO ທີ່ມີສຳນັກງານໃຫຍ່ຕັ້ງຢູ່ນະຄອນເຊີແນວ ໄດ້ເລີ່ມດຳເນີນການຄົ້ນຄວ້າພິຈາລະນານະໂຍບາຍຂອງຈີນຄັ້ງທີ 7. ທ່ານ ວາງໂຊ້ເວີນ ຮອງລັດຖະມົນຕີກະຊວງການຄ້າ ທັງເປັນຮອງຜູ້ຕາງໜ້າການເຈລະຈາການຄ້າສາກົນຂອງຈີນ ໄດ້ແນະນຳຄວາມຄືບໜ້າໃໝ່ຂອງຈີນໃນຂົງເຂດການຄ້າການລົງທຶນ, ມາດຕະການຕົ້ນຕໍໃນການປະຕິຮູບແລະໄຂປະຕູສູ່ພາຍນອກ ແລະສະພາບການດ້ານອື່ນໆ.
ທ່ານ ວາງໂຊ້ເວີນ ກ່າວວ່າ: ປັດຈຸບັນ, ໂຄງປະກອບການຄ້າຫຼາຍຝ່າຍໄດ້ຜະເຊີນໜ້າກັບສິ່ງທ້າທາຍອັນຂ້ຽວຂາດ. ຈີນຮຽກຮ້ອງໃຫ້ສະມາຊິກອົງການການຄ້າໂລກຈົ່ງມີຄວາມເດັດດ່ຽວໃນການປົກປ້ອງຫຼັກການພື້ນຖານແລະເນື້ອໃນຈິດໃຈຂອງໂຄງປະກອບການຄ້າຫຼາຍຝ່າຍ ເຊັ່ນ: ຂໍ້ຕົກລົງລະຫວ່າງປະເທດກ່ຽວກັບສິດພິເສດທາງການຄ້າ ຫຼື MFN, ການປະຕິບັດຕໍ່ຕ່າງປະເທດຄືກັນກັບປະເທດຕົນ, ການປະຕິບັດແບບພິເສດແລະແບບຕ່າງກັນຕໍ່ປະເທດພວມພັດທະນາ ແລະອື່ນໆ, ເດັດດ່ຽວຄັດຄ້ານລັດທິເຈົ້າອຳນາດ, ລັດທິປົກປ້ອງແລະລັດທິຝ່າຍດຽວດ້ານການຄ້າ, ພ້ອມກັນນັ້ນ ກໍຮຽກຮ້ອງຢ່າງແຮງກ້າໃຫ້ແກ້ໄຂສະພາບບໍ່ໂລ່ງລອຍກັນໃນການເລືອກຕັ້ງເພີ່ມຕື່ມສະມາຊິກຂອງອົງການອຸທອນ, ແກ້ໄຂການຂົ່ມຂູ່ຂອງການກະທຳລັດທິຝ່າຍດຽວຢ່າງເປັນລະບົບຕໍ່ອົງການການຄ້າໂລກ.
ກົນໄກຄົ້ນຄວ້າພິຈາລະນານະໂຍບາຍການຄ້າ, ກົນໄກເຈລະຈາການຄ້າຫຼາຍຝ່າຍ ແລະ ກົນໄກແກ້ໄຂຄວາມຂັດແຍ້ງ ແມ່ນ 3 ເສົາຄ້ຳຂອງອົງການການຄ້າໂລກ, ທຸກໆສະມາຊິກລ້ວນແຕ່ຕ້ອງຮັບເອົາການຄົ້ນຄວ້າພິຈາລະນາຢ່າງເປັນປະຈຳ.
ຄຳເຫັນ
0