ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກຄວາມຂັດແຍ້ງກັນດ້ານການຄ້າລະຫວ່າງການາດາ-ອາເມຣິກາມີຄວາມຮຸນແຮງຫຼາຍຂຶ້ນ, ທະນາຄານກາງການາດາຈຶ່ງໄດ້ປະກາດຈະເພີ່ມອັດຕາດອກເບັ້ຍອີກເທື່ອໜຶ່ງໃນວັນທີ 11 ກໍລະກົດນີ້ຕາມເວລາທ້ອງຖິ່ນ ເຊິ່ງອັດຕາດອກເບັ້ຍພື້ນຖານຈາກ 1,25% ຂຶ້ນເປັນ 1,50%. ນີ້ກໍ່ແມ່ນການຂຶ້ນອັດຕາດອກເບັ້ຍຄັ້ງທີ 4 ໃນ 1 ປີຜ່ານມາ.
ທະນາຄານກາງການາດາເຫັນວ່າ, ລັດທິປົກປ້ອງການຄ້າອາດຈະມີຄວາມຮຸນແຮງຂຶ້ນຕື່ມທີ່ເປັນໄພຂົ່ມຂູ່ທີ່ໃຫຍ່ທີ່ສຸດຕໍ່ສະພາບເສດຖະກິດໂລກໃນຕໍ່ໜ້າ. ບົດລາຍງານຂອງທະນາຄານດັ່ງກ່າວເນັ້ນໜັກວ່າ, ການຄາດຄະເນຕໍ່ທ່າອ່ຽງແຫ່ງການພັດທະນາຂອງເສດຖະກິດລວມທັງປັດໄຈທີ່ມີຜົນກະທົບຈາກຄວາມບໍ່ແນ່ນອນດ້ານການຄ້າຕໍ່ການລົງທຶນແລະການສົ່ງອອກຂອງການາດາ,ບວກກັບສະພາບການຄ້າທີ່ນັບມື້ນັບມີຄວາມເຄັ່ງຕຶງຂຶ້ນຕື່ມ ກໍ່ຈະ ມີຜົນກະທົບທີ່ຮຸນແຮງກວ່ານີ້ອີກ.
ທະນາຄານກາງການາດາກ່າວວ່າ: ທະນາຄານຕົນໄດ້ພິຈາລະນາເຖິງກຳແພງພາສີຂອງອາເມຣິກາທີ່ມີຕໍ່ຂະແໜງການເຫຼັກກ້າແລະອາລູມີນຽມຂອງການາດາແລະມາດຕະການຕອບໂຕ້ຂອງການາດາ.
ຄຳເຫັນ
0