ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 11 ກໍລະກົດນີ້, ທ່ານ ນະຣະພັດ ປລອດທອງ ເຈົ້າແຂວງແຂວງພູເກັດຂອງໄທກ່າວໃນພິທີຖະແຫຼງຂ່າວກ່ຽວກັບສະພາບການກູ້ໄພແລະຊ່ວຍເຫຼືອເຫດການເຮືອຫຼົ້ມວ່າ: ຕອນບ່າຍມື້ດັ່ງກ່າວ, ໜ່ວຍກູ້ໄພແລະຊ່ວຍເຫຼືອຂອງໄທແລະຈີນໄດ້ຊອກເຫັນສົບຂອງຜູ້ປະສົບເຄາະຮ້າຍອີກໜຶ່ງສົບ, ຜ່ານການຢືນຢັນໃນເບື້ອງຕົ້ນແລ້ວວ່າແມ່ນຜູ້ເສຍຊີວິດໃນເຫດການເຮືອ “ຟິນິກ” ຫຼົ້ມ. ມາຮອດປັດຈຸບັນ, ສົບຂອງຜູ້ເສຍຊີວິດທັງໝົດ 47 ຄົນໃນເຫດການດັ່ງກ່າວໄດ້ຊອກເຫັນຄົບໝົດແລ້ວ.
ມາຮອດປັດຈຸບັນ, ໃນຈຳນວນນັກທ່ອງທ່ຽວ 89 ຄົນຢູ່ເທິງເຮືອເລກ “ຟິນິກ” ນັ້ນ, 42 ຄົນໄດ້ຮັບການຊ່ວຍເຫຼືອຊີວິດ, 47 ຄົນເສຍຊີວິດ, ໃນນັ້ນໄດ້ສຳເລັດການພິສູດອັດຕະລັກສົບຂອງຜູ້ເສຍຊີວິດ 43 ສົບແລ້ວ, ໄດ້ຖືກຢັ້ງຢືນວ່າເປັນພົນລະເມືອງຈີນ.ນອກນີ້,ຍັງມີສົບຂອງຜູ້ເສຍຊີວິດອີກ 1 ສົບຢູ່ທ້ອງເຮືອໃຕ້ພື້ນທະເລ ແລະ ລໍຖ້າການນຳຂຶ້ນຝັ່ງ.
ທ່ານ ນະຣະພັດ ປລອດ ກ່າວຕື່ມວ່າ: ໃນຕໍ່ໜ້າ, ແຂວງພູເກັດຈະເພີ່ມທະວີຄວາມປອດໄພດ້ານການເດີນເຮືອຈາກ 3 ດ້ານຄື: ເຮືອ, ຄົນບັນຊາເຮືອ ແລະ ແອັດເຮືອ,ພ້ອມທັງເພີ່ມການຕິດຕັ້ງກ້ອງວົງຈອນປິດແລະອຸປະກອນຕິດຕາມຄວບຄຸມແລະເຕັກນິກໃໝ່ຢູ່ທ່າເຮືອ,ເພີ່ມທະວີການຕິດຕາມຄວບຄຸມດ້ານຄວາມປອດໄພໃຫ້ຫຼາຍກວ່າເກົ່າ.
ຄຳເຫັນ
0