ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະຜູ້ແທນຂອງຈີນປະຈຳອົງການສະຫະປະຊາຊາດ ຮ່ວມກັບຄະນະວຽກງານເສດຖະກິດແລະສັງຄົມອົງການສະຫະປະຊາຊາດ ຫຼື UNDESA ແລະ ອົງການສະຫະປະຊາຊາດເພື່ອການພັດທະນາ ຫຼື UNDP ໄດ້ຈັດກອງປະຊຸມຂັ້ນສູງໃນຫົວຂໍ້ “ຮັບມືກັບການພັດທະນາທີ່ບໍ່ສົມດຸນ ບໍ່ເຕັມທີ່, ບັນລຸເປົ້າໝາຍການພັດທະນາແບບຍືນຍົງ” ຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ ໂດຍທ່ານໝ໊າຈ່າວຊີ້ວ໌ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດເຂົ້າຮ່ວມ ແລະກ່າວປາໄສ.
ທ່ານໝ໊າຈ່າວຊີ້ວ໌ ກ່າວວ່າ: ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ຊີ້ແຈ້ງໃນບົດລາຍງານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ວ່າ: ສັງຄົມນິຍົມທີ່ມີສີສັນພິເສດຂອງຈີນໄດ້ເຂົ້າສູ່ຍຸກໃໝ່ ແລະ ຄວາມຂັດແຍ້ງຕົ້ນຕໍຂອງສັງຄົມຈີນ ໄດ້ຫັນປ່ຽນມາເປັນຄວາມຂັດແຍ້ງລະຫວ່າງຄວາມຕ້ອງການດ້ານຊີວິດການເປັນຢູ່ທີ່ດີງາມຂອງປະຊາຊົນທີ່ນັບມື້ນັບເພີ່ມຂຶ້ນ ກັບການພັດທະນາທີ່ບໍ່ສົມດຸນ ແລະບໍ່ເຕັມທີ່. ຈີນຖືເອົາທັດສະນະການປະດິດສ້າງ, ການປະສານງານ, ສີຂຽວ, ເປີດປະຕູ ແລະ ພັດທະນາຮ່ວມກັນເປັນທິດຊີ້ນຳ ເພື່ອສຸມໃສ່ແກ້ໄຂບັນຫາການພັດທະນາທີ່ບໍ່ສົມດຸນ ແລະບໍ່ເຕັມທີ່, ພະຍາຍາມຍົກສູງຄຸນນະພາບ ແລະ ປະສິດທິພາບຂອງການພັດທະນາ. ຂະນະທີ່ການພັດທະນາທີ່ບໍ່ສົມດຸນແລະບໍ່ເຕັມທີ່ກໍເປັນບັນຫາທີ່ປະເທດຕ່າງໆຜະເຊີນ. ສະນັ້ນ, ປະເທດຕ່າງໆຄວນຮ່ວມທຸກຮ່ວມສຸກ ກ້າວເດີນໄປຕາມເສັ້ນທາງພັດທະນາທີ່ທ່ຽງທຳ, ເປີດປະຕູ, ຮອບດ້ານ ແລະ ປະດິດສ້າງ ເພື່ອບັນລຸເປົ້າໝາຍໃຫ້ປະເທດຕ່າງໆພັດທະນາຮ່ວມກັນ. ຈີນຍິນດີຮ່ວມກັບຝ່າຍຕ່າງໆ ຮ່ວມກັນປົກປັກຮັກສາລະບົບການຄ້າເສລີ ແລະການຄ້າຫຼາຍຝ່າຍ ແລະ ເດັດດ່ຽວປົກປັກຮັກສາຜົນປະໂຫຍດຮ່ວມຂອງບັນດາປະເທດໃນໂລກ.
ຄຳເຫັນ
0