ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ໃນງານຟັງຄຳໃຫ້ການຂອງສະພາສູງອາເມຣິກາທີ່ຈັດຂຶ້ນໃນວັນທີ 17 ກໍລະກົດນີ້, ທ່ານເຈິໂຣມ ພາວເວວ ປະທານທະນາຄານກາງຫຼື FED ຂອງອາເມຣິກາກ່າວວ່າ, ປັດຈຸບັນວິທີທີ່ດີທີ່ສຸດກໍຄືຍົກສູງອັດຕາດອກເບັ້ຍກອງທຶນແຫ່ງລັດເທື່ອລະກ້າວ. ສຳລັບບັນຫາການຄ້າທີ່ປະຈັກຕາທີ່ສຸດ, ທ່ານພາວເວວ ກ່າວວ່າ, ປັດຈຸບັນການຄາດຄະເນຜົນກະທົບຂອງນະໂຍບາຍການຄ້າຕໍ່ເສດຖະກິດແມ່ນເລື່ອງຍາກທີ່ສຸດ, ແຕ່ວ່າອັດຕາພາສີສູງເປັນໄລຍະຍາວບໍ່ມີຜົນດີຕໍ່ເສດຖະກິດ.
ທ່ານພາວເວວ ກ່າວວ່າ, ໃນປີຜ່ານມາຍ້ອນວ່າອາເມຣິກາໄດ້ເກີດມີຄວາມຂັດແຍ້ງການຄ້າກັບຄູ່ການຄ້າໃຫຍ່ສຳຄັນຂອງໂລກລວມທັງສະຫະພາບເອີລົບ, ການາດາ, ຈີນແລະອື່ນໆ, ເບິ່ງຈາກດ້ານລວມແລ້ວ, ປະເທດທີ່ປະຕິບັດນະໂຍບາຍເປີດປະຕູການຄ້ານັ້ນເສດຖະກິດເຕີບໂຕຈະໄວກວ່າ.
ອົງການກອງທຶນເງິນຕາສາກົນຫຼື IMF ກໍໄດ້ເຕືອນໃນວັນທີ 16 ກໍລະກົດນີ້ວ່າ, ຕາມການຄາດຄະເນໃນປັດຈຸບັນ, ຖ້າວ່າການຂົ່ມຂູ່ການຂຶ້ນພາສີກາຍເປັນຄວາມຈິງເທື່ອລະກ້າວ, ຮອດປີ 2020, ລວມຍອດຜະລິດຕະພັນທົ່ວໂລກອາດຈະຕ່ຳກວ່າການຄາດຄະເນໃນປັດຈຸບັນປະມານ 0,5%.
ຄຳເຫັນ
0