ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້ຢູ່ນະຄອນຫຼວງປັກກິ່ງ, ທ່ານນາງກ່າວຢ້ຽນ ຮອງລັດຖະມົນຕີກະຊວງການຄ້າຈີນເປີດເຜີຍວ່າ ການເຈລະຈາສັນຍາວ່າດ້ວຍສາຍພົວພັນຄູ່ຮ່ວມເສດຖະກິດຮອບດ້ານໃນພາກພື້ນຫຼືRCEPກຳລັງເລັ່ງໃຫ້ໄວຂຶ້ນ.
ການເຈລະຈາRCEPໄດ້ດຳເນີນໄປແລ້ວ 22 ຮອບ. ຢູ່ໃນກອງປະຊຸມລະດັບລັດຖະມົນຕີຄັ້ງທີ 5 ຂອງRCEP ທີ່ຈັດຂຶ້ນຢູ່ນະຄອນຫຼວງໂຕກຽວປະເທດຍີ່ປຸ່ນຫວ່າງບໍ່ດົນມານີ້, ບັນດາຝ່າຍລ້ວນແຕ່ເຫັນວ່າ ພາຍໃຕ້ສະພາບການທີ່ການຄ້າທົ່ວໂລກໃນປັດຈຸບັນກຳລັງຜະເຊີນກັບສິ່ງທ້າທາຍຈາກລັດທິຝ່າຍດຽວ, ສະນັ້ນ, ການເຈລະຈາRCEPໃຫ້ສຳເລັດໂດຍໄວນັ້ນມີຄວາມສຳຄັນຫຼາຍ, ນອກນີ້ ບັນດາຝ່າຍຍັງຢືນຢັນວ່າ ຈະພະຍາຍາມໃຫ້ບັນລຸຜົນສຳເລັດໂດຍລວມກ່ອນທ້າຍປີນີ້.
ທ່ານນາງກ່າວຢ້ຽນຢືນຢັນວ່າ ໃນການເຈລະຈາ, ຈີນຈະເຄົາລົບແລະສະໜັບສະໜູນໃນຖານະເປັນແກນກາງຂອງອາຊຽນຄືທີ່ຕົນໄດ້ປະຕິບັດຜ່ານມາ, ຕັ້ງໜ້າເສີມຂະຫຍາຍບົດບາດທີ່ມີລັກສະນະສ້າງສັນເພື່ອຊຸກຍູ້ໃຫ້ບັນລຸສັນຍາທີ່ທັນສະໄໝ,ຮອບດ້ານ, ມີຄຸນນະພາບສູງແລະຕ່າງຝ່າຍຕ່າງມີຜົນປະໂຫຍດໂດຍໄວເທົ່າທີ່ຈະໄວໄດ້.
ຕາມຂໍ້ມູນຈາກອົງການຈັດຕັ້ງສາກົນກ່ຽວຂ້ອງ, ມາຮອດທ້າຍປີ 2017, RCEPໄດ້ກວມເອົາຈຳນວນປະຊາກອນຫຼາຍກວ່າ 3,5 ຕື້ຄົນ, ກວມເກືອບ 48% ຂອງປະຊາກອນທົ່ວໂລກ, ລວມຍອດຜະລິດຕະພັນພາຍໃນຫຼື GDP ບັນລຸ 23.800 ຕື້ໂດລາສະຫະລັດ,ກວມຫຼາຍກວ່າ 31%ຂອງໂລກ.
ຄຳເຫັນ
0