ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ກໍລະກົດນີ້, ທ່ານນາງ ຮ້ວາຊຸ່ນຢິງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມກ່ຽວກັບການພົບປະລະຫວ່າງປະມຸກລັດຣັດເຊຍ ແລະອາເມລິກາວ່າ: ຈີນສະແດງຄວາມຍິນດີທີ່ເຫັນຣັດເຊຍ ແລະອາເມລິກາປັບປຸງສາຍພົວພັນກັນ.
ທ່ານນາງກ່າວວ່າ: ຣັດເຊຍ ແລະອາເມລິກາເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ເປັນປະເທດໃຫຍ່ທີ່ມີອິດທິພົນສຳຄັນຕໍ່ສາກົນ ແລະກໍມີຄວາມຮັບຜິດຊອບສຳຄັນຕໍ່ສັນຕິພາບ ແລະຄວາມໝັ້ນຄົງສາກົນ. ຈີນຍິນດີທີ່ເຫັນຣັດເຊຍ ແລະອາເມລິກາປັບປຸງສາຍພົວພັນກັນອີກ, ຫວັງວ່າສອງຝ່າຍຈະເພີ່ມທະວີການແລກປ່ຽນເຈລະຈາ ແລະເປີດກວ້າງການຮ່ວມມື ເຊິ່ງມີຜົນດີຕໍ່ພາລະກິດສັນຕະພາບ ແລະການພັດທະນາຂອງໂລກ, ກໍຄືມີຜົນດີຕໍ່ປະຊາຄົມໂລກຮ່ວມມືໃນການຮ່ວມກັນຮັບມືກັບສິ່ງທ້າທາຍ. ສຳລັບຄຳຖາມທີ່ວ່າການພົບປະລະຫວ່າງປະມຸກລັດຣັດເຊຍ ແລະອາເມລິກາມີຜົນກະທົບຕໍ່ສາຍພົວພັນຈີນ-ຣັດເຊຍ ແລະຈີນ-ອາເມລິກາຫຼືບໍ, ຂ້າພະເຈົ້າຄິດວ່າບໍ່ມີ. ພວກເຮົາມີຄວາມໝັ້ນໃຈຢ່າງເຕັມສ່ວນຕໍ່ສາຍພົວພັນການປະສານງານຍຸດທະສາດຮອບດ້ານຂອງຈີນ-ຣັດເຊຍ.
ຄຳເຫັນ
0