ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ໂດຍແນໃສ່ຖ້ອຍຄວາມຂອງອາເມຣິກາທີ່ຕຳນິຈີນບໍ່ປະຕິບັດຕາມກົດລະບຽບຂອງອົງການການຄ້າໂລກຫຼື WTO, ທ່ານນາງຮ້ວາຊຸນຢິງ ໂຄສົກກະຊວງການຕ່າງປະເທດຈີນໄດ້ກ່າວຕອບໂຕ້ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 17 ກໍລະກົດນີ້.
ທ່ານນາງຮ້ວາຊຸນຢິງ ກ່າວວ່າ: ຈີນໄດ້ອອກປຶ້ມປົກຂາວ “ຈີນແລະອົງການການຄ້າໂລກ” ໃນຫວ່າງມໍ່ໆມານີ້, ຈະໃຊ້ເລື່ອງຈິງແລະຕົວເລກຈິງສະແດງໃຫ້ເຫັນວ່າຈີນໄດ້ປະຕິບັດຕາມຄຳໝັ້ນສັນຍາຂອງຕົນຢ່າງຮອບດ້ານໃນດ້ານການຫຼຸດພາສີຕໍ່ສິນຄ້າ, ເປີດປະຕູການຄ້າບໍລິການ, ໂກຕາການນຳເຂົ້າເປັນຕົ້ນເຊິ່ງເປັນມາດຕະການບໍ່ກ່ຽວກັບດ້ານພາສີ. ຖ້າວ່າຈີນບໍ່ປະຕິບັດຕາມກົດລະບຽບ WTO, ເປັນຫຍັງຈີນຈຶ່ງເດັດດ່ຽວຍຶດໝັ້ນການຮັກສາມູນຄ່າຕົ້ນຕໍແລະຫຼັກການພື້ນຖານຂອງ WTO ຢ່າງສະເໝີຕົ້ນສະເໝີປາຍ? ຈີນບໍ່ໄດ້ປະຕິບັດມາດຕະການຝ່າຍດຽວຢ່າງທົ່ວທີບທັງໃນເມື່ອກ່ອນ, ປັດຈຸບັນແລະອະນາຄົດ, ບໍ່ໄດ້ລະເມີດຫຼັກການພື້ນຖານຂອງ WTO ເຊັ່ນ, ການເປີດປະຕູແບບເສລີ, ບໍ່ດູໝິ່ນຝ່າຍໃດຝ່າຍໜຶ່ງ, ຂໍ້ຈຳກັດດ້ານພາສີ, “ການປະຕິບັດແບບພິເສດແລະແຕກຕ່າງກັນ” ແລະອື່ນໆ. ໃນເວລາຜະເຊີນກັບບັນຫາສຳຄັນຕ່າງໆ, ຈີນມີຈຸດຢືນປະຕິບັດຕາມຫຼັກການ, ມີຄວາມເຄົາລົບຄຳໝັ້ນສັນຍາແລະມີຄວາມຮັບຜິດຊອບ.
ທ່ານນາງຮ້ວາຊຸນຢິງ ກ່າວຕື່ມວ່າ, ຄວາມພະຍາຍາມຂອງຈີນທີ່ປະຕິບັດຕາມກົດລະບຽບຂອງ WTO ແລະປະຕິບັດຕາມຄຳໝັ້ນສັນຍາຂອງຕົນໄດ້ຮັບຄວາມເຫັນດີເຫັນພ້ອມຢ່າງກວ້າງຂວາງຈາກປະຊາຄົມໂລກ. ທ່ານໂຣເປີໂຕ ອາເຊເວໂດ ຜູ້ອຳນວຍການໃຫຍ່ WTO ກ່າວວ່າ, ນັບແຕ່ຈີນເຂົ້າເປັນສະມາຊິກ WTO ເມື່ອປີ 2001 ມານີ້, ໄດ້ເສີມຂະຫຍາຍບົດບາດນັບມື້ນັບຫຼາຍຂຶ້ນນີ້ເປັນເລື່ອງທີ່ໜ້າຊື່ນຊົມ. ທີ່ຈິງແລ້ວ, ອາເມຣິກາເອງກໍໄດ້ເຜີຍແຜ່ບົດລາຍງານກ່ຽວກັບສະພາບການທີ່ຈີນປະຕິບັດຄຳໝັ້ນສັນຍາເຂົ້າເປັນສະມາຊິກ WTO ໃນ 16 ປີລຽນຕິດ, ນອກຈາກປີນີ້ແລ້ວ, ໃນ 15 ສະບັບຜ່ານມາລ້ວນແຕ່ບໍ່ມີຄວາມເວົ້າທີ່ວ່າ “ການກະທຳຜິດ”.
ຄຳເຫັນ
0