ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 18 ກໍລະກົດນີ້, ສະມາຄົມມິດຕະພາບກັບຕ່າງປະເທດຈີນແລະສະຖານທູດກຳປູເຈຍປະຈຳຈີນຮ່ວມກັນຈັດງານລ້ຽງສະເຫຼີມສະຫຼອງການສ້າງຕັ້ງສາຍພົວພັນທາງການທູດຈີນ-ກຳປູເຈຍຄົບຮອບ 60 ປີຢູ່ນະຄອນຫຼວງປັກກິ່ງ ສປ ຈີນ. ທ່ານວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນ, ທ່ານນາງແຂກ ສີໂສດາ ເອກອັກຄະລັດຖະທູດກຳປູເຈຍປະຈຳຈີນເຂົ້າຮ່ວມແລະກ່າວຄຳປາໄສ, ທ່ານຫຼີສ້ຽວລິນ ປະທານສະມາຄົມມິດຕະພາບກັບຕ່າງປະເທດຈີນ, ທ່ານເອັກຊຳໂອ ປະທານສະມາຄົມມິດຕະພາບກຳປູເຈຍຈີນ, ເພື່ອນມິດໃນວົງການຕ່າງໆຂອງສອງປະເທດ, ຜູ້ຕາງໜ້າທູຕານຸທູດຈີນແລະຕ່າງປະເທດປະມານ 300 ຄົນໄດ້ເຂົ້າຮ່ວມ.
ທ່ານວາງຢີ້ກ່າວວ່າ, ໃນໄລຍະ 60 ປີຜ່ານມາ, ເຖິງວ່າສະຖານະການສາກົນມີການປ່ຽນແປງຢ່າງໃຫຍ່ຫຼວງກໍຕາມ, ແຕ່ວ່າມິດຕະພາບລະຫວ່າງປະຊາຊົນຈີນແລະກຳປູເຈຍຍັງແໜ້ນແຟ້ນຄືເກົ່າ. ເຊື່ອວ່າຫາກພວກເຮົາທຳຄວາມພະຍາຍາມຮ່ວມກັນ, ມິດຕະພາບຈີນແລະກຳປູເຈຍຈະຮັກສາຄວາມມີຊີວິດຊີວາຕະຫຼອດໄປ. ຂະນະດຽວກັນພວກເຮົາມີຄວາມຫວັງແລະເຊື່ອວ່າການເລືອກຕັ້ງທົ່ວໄປຄັ້ງທີ 6 ຂອງກຳປູເຈຍທີ່ຈະຈັດຂຶ້ນນັ້ນສາມາດດຳເນີນໄປຢ່າງສະດວກສະບາຍ.
ທ່ານນາງແຂກ ສີໂສດາ ໄດ້ຂອບໃຈນຳລັດຖະບານຈີນທີ່ໄດ້ໃຫ້ການສະໜັບສະໜູນແລະຊ່ວຍເຫຼືອກຳປູເຈຍໃນດ້ານການພັດທະນາຕະຫຼອດມາ, ຫວັງວ່າການຮ່ວມມືລະຫວ່າງສອງປະເທດພາຍໃຕ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຈະໄດ້ຮັບຜົນສຳເລັດຍິ່ງໃຫຍ່ກວ່າເກົ່າ.
ຄຳເຫັນ
0