ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ກໍລະກົດນີ້ ຢູ່ປັກກິ່ງ, ທ່ານ ວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານ ຕຸນ ດີມ ໄຈນຸດດິນ ທູດພິເສດຂອງນາຍົກລັດຖະມົນຕີມາເລເຊຍ.
ທ່ານ ວາງຢີ້ ກ່າວວ່າ, ຈີນຍິນດີຮ່ວມກັບມາເລເຊຍເພີ່ມທະວີການພັດທະນາການເຊື່ອມໂຍງເຂົ້າກັນທາງຍຸດທະສາດ,ລົງເລິກການຮ່ວມມື “ໜຶ່ງແລວໜຶ່ງເສັ້ນທາງ”,ເປີດກວ້າງການຮ່ວມມືແບບຕ່າງຝ່າຍຕ່າງມີຜົນປະໂຫຍດ,ເພີ່ມການປະສານສົມທົບແລະການປະສານງານໃນດ້ານວຽກງານສາກົນແລະພາກພື້ນ,ເພື່ອສ້າງຄວາມຜາສຸກໃຫ້ແກ່ປະຊາຊົນສອງປະເທດ,ຊຸກຍູ້ການພັດທະນາແລະຄວາມຈະເລີນຮຸ່ງເຮືອງຂອງພາກພື້ນ.
ທ່ານ ຕຸນ ດີມ ໄຈນຸດດິນ ກ່າວວ່າ, ລັດຖະບານມາເລເຊຍຊຸດໃໝ່ໄດ້ໃຫ້ຄວາມສຳຄັນຕໍ່ການພົວພັນກັບຈີນ,ພະຍາຍາມສຸດຂີດເພື່ອສະໜັບສະໜູນຂໍ້ລິເລີ່ມກ່ຽວກັບການຮ່ວມມື“ໜຶ່ງແລວໜຶ່ງເສັ້ນທາງ”ທີ່ທ່ານ ສີຈິ້ນຜິງ ສະເໜີອອກ. ທ່ານ ມາຮາເທຍ ບິນ ໂມຮາມັດ ນາຍົກລັດຖະມົນຕີມາເລເຊຍໄດ້ພັດທະນາການພົວພັນຕໍ່ຈີນຢ່າງຕັ້ງໜ້າມາໂດຍຕະຫຼອດ,ທ່ານຄອງຄອຍການຢ້ຽມຢາມຈີນຢ່າງເປັນທາງການໃນໄວໆນີ້.
ຄຳເຫັນ
0