ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ກໍລະກົດນີ້, ທ່ານຄຣິສຕິນ ລາກາດ ຜູ້ອຳນວຍການອົງການກອງທຶນເງິນຕາສາກົນ (IMF) ຮຽກຮ້ອງວ່າ: ກຸ່ມ G20 ຄວນຢຸດຕິມາດຕະການພາສີອາກອນ “ໝັດແລກໝັດ” ແລະວາງແຜນການແບບຫຼາຍຝ່າຍເພື່ອປັບປຸງລະບົບການຄ້າທົ່ວໂລກ.
ທ່ານໄດ້ເຜີຍແຜ່ບົດຄວາມໃນເວັບໄຊ IMF ວ່າ: ອົງການກອງທຶນຕົນໄດ້ກ່າວເຕືອນໃນເດືອນເມສາປີ 2018 ນີ້ວ່າ ມາດຕະການລັດທິປົກປ້ອງການຄ້າຈະສົ່ງຜົນກະທົບຕໍ່ເສດຖະກິດໂລກ, ຮອດປັດຈຸບັນນີ້, ບົດວິເຄາະດັ່ງກ່າວໄດ້ກາຍເປັນຄວາມຈິງແລ້ວ. ຂໍ້ມູນສະຖິຕິຂອງທະວີບເອີຣົບ ແລະອາຊີໃນມໍ່ໆມານີ້ສະແດງໃຫ້ເຫັນວ່າ: ໃບສັ່ງຊື້ສິນຄ້າຂາອອກໄດ້ຫຼຸດລົງ, ເຮັດໃຫ້ປະເທດສົ່ງອອກລົດ ຄືປະເທດເຢຍລະມັນຫຼຸດຄວາມໝັ້ນໃຈ.
ລັດຖະມົນຕີກະຊວງການເງິນ ແລະຜູ້ວ່າການທະນາຄານກາງຂອງກຸ່ມ G20 ຈະຈັດກອງປະຊຸມຢູ່ນະຄອນຫຼວງບູນົສໄອເຮສຂອງປະເທດອາກຊັງຕີນ. ທ່ານລາກາດຮຽກຮ້ອງວ່າ: ກຸ່ມ G20 ຄວນຖືໂອກາດນີ້ລົບລ້າງມາດຕະການພາສີອາກອນແບບ “ໝັດແລກໝັດ” ແລະວາງແຜນການປັບປຸງລະບົບການຄ້າທົ່ວໂລກ.
ຄຳເຫັນ
0