ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວຢູ່ທີ່ນະຄອນຫຼວງປັກກິ່ງໃນວັນທີ 18 ກໍລະກົດນີ້ວ່າ: ອາເມຣິກາກໍ່ສົງຄາມການຄ້າຂຶ້ນບໍ່ພຽງແຕ່ມີເຈດຕະນາຕໍ່ຈີນເທົ່ານັ້ນ ຍັງຖືທົ່ວໂລກເປັນສັດຕູ ເຊິ່ງຈະແກ່ດຶງໃຫ້ເສດຖະກິດໂລກເຂົ້າສູ່ສະພາບອັນຕະລາຍ.
ຂ່າວແຈ້ງວ່າ: ການກໍ່ສົງຄາມການຄ້າຂອງອາເມຣິກາ ພາໃຫ້ປະຊາຄົມໂລກມີຄວາມເປັນຫ່ວງຢ່າງກວ້າງຂວາງ, ກຸ່ມເສດຖະກິດສຳຄັນທີ່ກ່ຽວຂ້ອງ, ອົງການຈັດຕັ້ງທີ່ມີຊື່ສຽງໃນສາກົນແລະບໍລິສັດຂ້າມຊາດທັງຫຼາຍພາກັນສະແດງຄວາມກັງວົນຢ່າງຍິ່ງຕໍ່ເລື່ອງນີ້. ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 18 ກໍລະກົດນີ້, ທ່ານນາງຮວ້າຊຸ່ນຢິງໄດ້ປະກອບຄວາມເຫັນໂດຍຊີ້ອອກວ່າ:“ການກໍ່ສົງຄາມການຄ້າເພື່ອການເມືອງພາຍໃນແລະຜົນປະໂຫຍດສ່ວນຕົວເປັນການກະທຳແບບລັດທິຝ່າຍດຽວແລະແນວຄິດແຂ່ງຂັນແບບຕ້ອງມີຝ່າຍໄດ້ຝ່າຍເສຍທີ່ອາດນຳມາເປັນຕົວຢ່າງໄດ້, ເຊິ່ງເປັນການຖອຍຫຼັງຮອບດ້ານຄັ້ງໜຶ່ງໃນດ້ານກົດລະບຽບສາກົນແລະການຄຸ້ມຄອງທົ່ວໂລກນັບແຕ່ສົງຄາມໂລກຄັ້ງທີສອງສິ້ນສຸດລົງເປັນຕົ້ນມາ, ຖ້າຫາກປ່ອຍໃຫ້ຂະຫຍາຍຕົວຕໍ່ໄປ ກໍຈະສ້າງຜົນເສຍຫາຍເລິກເຊິ່ງກວ່າເກົ່າໃຫ້ແກ່ເສດຖະກິດໂລກ ເຊິ່ງເປັນເລື່ອງທີ່ໜ້າເປັນຫ່ວງຫຼາຍ. ”
ອົງການຮ່ວມມືແລະພັດທະນາເສດຖະກິດ（OECD）ໄດ້ຄາດຄະເນວ່າ: ໄປພ້ອມໆກັບປະເທດທີ່ກ່ຽວຂ້ອງໃນການຂຶ້ນພາສີ, ຈັງຫວະການເຕີບໂຕຂອງເສດຖະກິດໂລກຈະຫຼຸດລົງ 1,4%. ສະຖາບັນເສດຖະກິດອາເມຣິກາກໍຄາດຄະເນວ່າ, ສົງຄາມການຄ້າຈະເຮັດໃຫ້ຊາວອາເມຣິກາ 6 ແສນຄົນຫວ່າງງານ, ກຳມະກອນ,ຊາວກະສິກອນແລະຜູ້ບໍລິໂພກອາເມຣິກາລ້ວນແຕ່ຈະໄດ້ຮັບສະທ້ອນແນ່ນອນ.
ຄຳເຫັນ
0