ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານ ບາບາຣາ ຈາເນັດ ວູດເວີດ ເອກອັກຄະລັດຖະທູດອັງກິດປະຈຳຈີນໄດ້ໃຫ້ສຳພາດຕໍ່ສື່ມວນຊົນຫຼາຍສຳນັກຮ່ວມກັນຂອງຈີນຢູ່ນະຄອນຫຼວງປັກກິ່ງວ່າ, ໃນຖານະເປັນຜູ້ປົກປ້ອງກົນໄກຫຼາຍຝ່າຍຢ່າງເດັດດ່ຽວ, ອັງກິດຍິນດີຮ່ວມກັບຈີນໃນການປົກປ້ອງລັດທິຫຼາຍຝ່າຍ ແລະຊຸກຍູ້ການຄ້າເສລີ.
ທ່ານ ວູດເວີດ ກ່າວວ່າ: ໃນກໍລະນີຄວາມຂັດແຍ້ງດ້ານການຄ້າທົ່ວໂລກຮຸນແຮງຂຶ້ນ, ອັງກິດຍິນດີຮ່ວມກັບຈີນທຳຄວາມພະຍາຍາມ, ເພື່ອຮັບປະກັນໃຫ້ອົງການການຄ້າໂລກເສີມຂະຫຍາຍບົດບາດໃຫ້ບັງເກີດຜົນໃນກົນໄກການແກ້ໄຂຄວາມຂັດແຍ້ງກັນດ້ານການຄ້າ. ໃນໄລຍະປັດຈຸບັນ, ໃນຖານະເປັນສະມາຊິກຂອງສະຫະພາບເອີຣົບ, ອັງກິດມີຄວາມຍິນດີຢາກເຫັນຈີນແລະສະຫະພາບເອີຣົບດຳເນີນການຮ່ວມມືກ່ຽວກັບການປະຕິຮູບອົງການການຄ້າໂລກ ແລະປັບປຸງອົງການດັ່ງກ່າວໃຫ້ສົມບູນຂຶ້ນຕື່ມຕາມຍຸກສະໄໝ.
ທ່ານ ວູດເວີດ ກ່າວຕື່ມວ່າ: ອັງກິດແລະຈີນໄດ້ຮັກສາການພົວພັນທາງການຄ້າແລະການລົງທຶນທີ່ແໜ້ນແຟ້ນ. ອັງກິດຍິນດີຕ້ອນຮັບຈີນສືບຕໍ່ເປີດກວ້າງຕະຫຼາດ, ຍິນດີທີ່ເຫັນການຊຸກຍູ້ກົນໄກຊື້ຂາຍຫຸ້ນລະຫວ່າງຕະຫຼາດຫຼັກຊັບຊຽງໄຮແລະລອນດອນ ທັງຈະສົ່ງຄະນະຜູ້ແທນລະດັບສູງເພື່ອເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດທີ່ຈະຈັດຂຶ້ນຢູ່ນະຄອນຊຽງໄຮໃນເດືອນພະຈິກປີນີ້.
ຄຳເຫັນ
0