ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ສິງຫານີ້, ຢູ່ທີ່ປັກກິ່ງ, ທ່ານ ວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະເຈລະຈາກັບທ່ານ ມາເຣຍ ເຟີນານດາ ເອສປີໂນຊາ ກາເຊສ ປະທານສະມັດຊາໃຫຍ່ອົງການສະຫະປະຊາຊາດຄັ້ງທີ 73.
ທ່ານ ວາງຢີ້ ກ່າວວ່າ, ປະຊາຄົມໂລກຄວນເພີ່ມທະວີຄວາມຮັບຮູ້ຢ່າງເປັນເອກະພາບກັນຕໍ່ລັດທິຫຼາຍຝ່າຍ,ປົກປັກຮັກສາອິດທິພົນແລະບົດບາດຂອງອົງການສະຫະປະຊາຊາດ,ປົກປັກຮັກສາລະບົບສາກົນທີ່ເຄົາລົບຫຼັກການກົດບັດສະຫະປະຊາຊາດເປັນໃຈກາງ,ຊຸກຍູ້ເສດຖະກິດໂລກາພິວັດໃຫ້ພັດທະນາໄປຕາມທິດເປີດປະຕູ,ກວມລວມ,ສົມດຸນແລະຕ່າງຝ່າຍຕ່າງມີຜົນປະໂຫຍດ. ບັນດາຝ່າຍຄວນເດັດດ່ຽວຄັດຄ້ານລັດທິປົກປ້ອງການຄ້າ,ລັດທິຝ່າຍດຽວ,ປົກປ້ອງຫຼັກການແລະກົດໝາຍສາກົນ,ປົກປັກຮັກສາຜົນປະໂຫຍດຮ່ວມຂອງປະຊາຊົນໃນໂລກ.
ທ່ານ ເອສປີໂນຊາ ກາເຊສ ກ່າວວ່າ, ສປຊ ຂອບໃຈຢ່າງສູງຕໍ່ຈີນທີ່ໄດ້ສະໜັບສະໜູນລັດທິຫຼາຍຝ່າຍແລະບົດບາດຂອງອົງການສະຫະປະຊາຊາດມາໂດຍຕະຫຼອດ ພ້ອມທັງເສີມຂະຫຍາຍບົດບາດສ້າງສັນ.ຂ້າພະເຈົ້າຈະສືບຕໍ່ໃຫ້ການສະໜັບສະໜູນຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ທີ່ເປັນການປະກອບສ່ວນຢ່າງໃຫຍ່ຫຼວງຕໍ່ການພັດທະນາຂອງໂລກ.
ຄຳເຫັນ
0