ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະພາການຄ້າຈີນຢູ່ໄທ ໄດ້ເປີດເຜີຍບົດລາຍງານສະພາບເສດຖະກິດໂດຍລວມຂອງໄທໃນໄຕມາດທີ 2 ປີ 2018 ຢູ່ນະຄອນຫຼວງບາງກອກໃນວັນທີ 8 ສິງຫານີ້ ໂດຍລະບຸວ່າ: ການພົວພັນດ້ານເສດຖະກິດລະຫວ່າງໄທ-ຈີນໃນໄຕມາດທີ 2 ປີນີ້ພັດທະນາໄດ້ຢ່າງໜັກແໜ້ນກວ່າເກົ່າເມື່ອທຽບກັບສອງໄຕມາດຜ່ານມາ, ຂະນະທີ່ຜົນການສຳຫຼວດຄວາມຄິດເຫັນສ່ວນຫຼາຍຄິດວ່າ ການຮ່ວມມືດ້ານເສດຖະກິດໃນຂົງເຂດຕ່າງໆລະຫວ່າງສອງປະເທດ ໃນ 6 ເດືອນທ້າຍປີນີ້ຈະເຂົ້າສູ່ລວງເລິກຢ່າງບໍ່ຢຸດຢັ້ງ.
ບົດລາຍງານການສຳຫຼວດຄວາມຄິດເຫັນດັ່ງກ່າວຈັດຂຶ້ນໂດຍສະພາການຄ້າຈີນຢູ່ໄທຮ່ວມກັບມະຫາວິທະຍາໄລຈຸລາລົງກອນໄທ ໂດຍຜູ້ຖືກສອບຖາມ 500 ຄົນລ້ວນແຕ່ແມ່ນຜູ້ບໍລິຫານຂັ້ນສູງຂອງວິສາຫະກິດຊາວໄທເຊື້ອສາຍຈີນ ທີ່ຮູ້ເລິກດ້ານເສດຖະກິດໄທແລະຈີນ ພ້ອມທັງການພົວພັນດ້ານເສດຖະກິດການຄ້າລະຫວ່າງສອງປະເທດ.
ກ່ຽວກັບການພົວພັນດ້ານເສດຖະກິດລະຫວ່າງໄທ-ຈີນນັ້ນ, ຜູ້ຖືກສອບຖາມກ່າວວ່າ: ໃນໄຕມາດທີ 2 ປີນີ້, ຍອດມູນຄ່າການຄ້າ, ຍອດການລົງທຶນ ແລະ ປະລິມານເສດຖະກິດທີ່ສອງຝ່າຍຮ່ວມມື ລ້ວນແຕ່ເພີ່ມຂຶ້ນໃນລະດັບໃດໜຶ່ງເມື່ອທຽບໃສ່ໄຕມາດທຳອິດຂອງປີນີ້ ແລະໄຕມາດທີ 4 ຂອງປີຜ່ານມາ ຄາດວ່າ, ໄທຈະໄດ້ຮັບຜົນປະໂຫຍດຈາກນັກທ່ອງທ່ຽວຈີນເພີ່ມຂຶ້ນ ແລະ ລາຍຮັບຈາກການສົ່ງອອກຕໍ່ຈີນກໍເພີ່ມຂຶ້ນເຊັ່ນກັນ.
ຄຳເຫັນ
0