ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫ້ອງການຜູ້ຕາງໜ້າການຄ້າອາເມຣິກາປະກາດໃນວັນທີ 7 ສິງຫານີ້ວ່າ: ຈະຂຶ້ນພາສີ 25% ຕໍ່ສິນຄ້າທີ່ນຳເຂົ້າຈາກຈີນໃນມູນຄ່າ 16 ຕື້ໂດລາສະຫະລັດເລີ່ມແຕ່ວັນທີ 23 ສິງຫານີ້ເປັນຕົ້ນໄປ. ຕໍ່ກໍລະນີດັ່ງກ່າວ, ທ່ານໂຊຣັບ ກຸບຕາ ນັກຄົ້ນຄວ້າຊັ້ນສູງຂອງສູນຄົ້ນຄວ້າຈີນອາເມຣິກາ ເຊິ່ງເປັນຄັງປັນຍາຂອງອາເມຣິກາ ໄດ້ໃຫ້ສຳພາດຕໍ່ນັກຂ່າວວ່າ: ມາດຕະການດັ່ງກ່າວຂອງອາເມຣິກາໄດ້ລະເມີດກະຕິກາທີ່ກ່ຽວຂ້ອງຂອງອົງການການຄ້າໂລກຫຼື WTO ອີກຄັ້ງໃໝ່ ເຊິ່ງຈະສ້າງຜົນເສຍຫາຍໃຫ້ແກ່ທັງສອງຝ່າຍ.
ທ່ານກຸບຕາກ່າວຕື່ມວ່າ: ໃນງານຟັງຄຳໃຫ້ການກ່ຽວກັບການຂຶ້ນພາສີຕໍ່ສິນຄ້ານຳເຂົ້າຈາກຈີນໃນມູນຄ່າ 16 ຕື້ໂດລາສະຫະລັດທີ່ຫ້ອງການຜູ້ຕາງໜ້າການຄ້າອາເມຣິກາຈັດຂຶ້ນໃນເດືອນຜ່ານມາ, ສະມາຄົມຫຼືອົງການຈັດຕັ້ງເກືອບທຸກຂະແໜງການຂອງອາເມຣິກາເຊັ່ນ:ອຸດສາຫະກຳເຄມີ, ສາຍໄຟສາຍກາບ,ເຄື່ອງເອເລັກໂຕຣນິກ, ວັດສະດຸເຄິ່ງຕົວນຳ, ສິນຄ້າຂາຍຍ່ອຍແລະອື່ນໆຕ່າງກໍໄດ້ອອກສຽງຄັດຄ້ານ. ເຖິງຈະເປັນແນວນີ້ກໍຕາມ,ແຕ່ລັດຖະບານທຣຳກໍຍັງປະຕິບັດມາດຕະການຂຶ້ນພາສີຕາມໃຈຕົວເອງ.
ຕາມບັນຊີລາຍຊື່ສິນຄ້າທີ່ຕ້ອງຂຶ້ນພາສີສະບັບຫຼ້າສຸດທີ່ລັດຖະບານອາເມຣິກາເປີດເຜີຍນັ້ນໄດ້ລວມເຖິງຜະລິດຕະພັນວັດສະດຸເຄິ່ງຕົວນຳ. ທ່ານກຸບຕາກ່າວວ່າ ການເຮັດແນວນີ້ມີພຽງແຕ່ຈະສ້າງຜົນເສຍຫາຍໃຫ້ແກ່ວິສາຫະກິດຜະລິດວັດສະດຸເຄິ່ງຕົວນຳຂອງອາເມຣິກາເທົ່ານັ້ນ ແລະຍັງຈະສົ່ງຜົນກະທົບຕໍ່ຜູ້ອຸປະໂພກຕື່ມອີກ.
ຄຳເຫັນ
0