ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດເສດຖະກິດດີຈີຕອນອາຊຽນໄດ້ຈັດຂຶ້ນໃນວັນທີ 9 ສິງຫານີ້ຢູ່ນະຄອນຫຼວງບາງກອກ ປະເທດໄທ ເພື່ອສຸມໃສ່ປຶກສາຫາລືສະພາບການພັດທະນາເສດຖະກິດດີຈີຕອນຂອງໄທແລະອາຊຽນໃນປັດຈຸບັນ ແລະກຳລັງຊຸກດັນໃນຕໍ່ໜ້າ ພາຍໃຕ້ຫົວຂໍ້ບົດບາດເຕັກໂນໂລຊີບຼອກເຊນ (Blockchain technology ຫຼື BT) ທີ່ມີຕໍ່ເສດຖະກິດດີຈີຕອນ, ສະພາບການລົງທຶນ-ລະດົມທຶນຂອງຂະແໜງການທີ່ກ່ຽວຂ້ອງ ແລະອື່ນໆ.
ທ່ານພິເຊດ ດຸຣົງຄະເວໂຣດ ລັດຖະມົນຕີກະຊວງດີຈີຕອນເພື່ອເສດຖະກິດແລະສັງຄົມ ໄດ້ກ່າວປາໄສໃນກອງປະຊຸມວ່າ: ບັນດາປະເທດໃນອາຊຽນລວມທັງປະເທດໄທ ແລະ ຈີນລ້ວນແຕ່ໃຫ້ຄວາມສຳຄັນສູງຕໍ່ເຕັກໂນໂລຊີດີຈີຕອນ, ລັດຖະບານໄທໄດ້ສຸມໃສ່ການກໍ່ສ້າງລະບົບຕາໜ່າງອິນເຕີເນັດໃຫ້ສົມບູນ. ເສດຖະກິດດີຈີຕອນເປັນປະໂຫຍດຕໍ່ການພັດທະນາເສດຖະກິດໄທ ແລະ ຍິນດີຕ້ອນຮັບວິສາຫະກິດປະເທດຕ່າງໆ ລວມທັງຈີນເຂົ້າຮ່ວມຂະບວນການພັດທະນາເສດຖະກິດດີຈີຕອນ. ປັດຈຸບັນ, ໄທໄດ້ໃຫ້ຄວາມສຳຄັນຕໍ່ການສ້າງກົດໝາຍກ່ຽວກັບດີຈີຕອນ ເພື່ອປົກປັກຮັກສາສິດຜົນປະໂຫຍດ ແລະ ການເປັນສ່ວນຕົວຂອງຜູ້ຊົມໃຊ້.
ທ່ານກອນ ທັບພະລັງສີ ປະທານສະມາຄົມມິດຕະພາບໄທ-ຈີນ ກໍປາໄສວ່າ: ໄທໄດ້ວາງຍຸດທະສາດ “ໄທ 4.0”, ໄທໄດ້ກຽມຄວາມພ້ອມແລ້ວທີ່ຈະຊຸກຍູ້ເສດຖະກິດດີຈີຕອນ.
ຄຳເຫັນ
0