ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງທ້ອນໂຮມເພື່ອຄວາມເປັນເອກະພາບ ສ.ເກົາຫຼີ ໄດ້ປະກາດໃນວັນທີ 9 ສິງຫານີ້ວ່າ: ສ.ເກົາຫຼີ ແລະ ສປປ ເກົາຫຼີ ຈະຈັດການພົບປະເຈລະຈາຂັ້ນສູງໃນວັນທີ 13 ສິງຫານີ້ຢູ່ຕຶກທ້ອນໂຮມເພື່ອຄວາມເປັນເອກະພາບຢູ່ເຂດປານມູນຈອມເບື້ອງ ສປປ ເກົາຫຼີ ເພື່ອປຶກສາຫາລືແຜນການປະຕິບັດ “ຖະແຫຼງການປານມູນຈອມ”.
ກະຊວງທ້ອນໂຮມເພື່ອຄວາມເປັນເອກະພາບ ສ.ເກົາຫຼີ ຖະແຫຼງວ່າ: ຕອນເຊົ້າວັນດັ່ງກ່າວ, ສປປ ເກົາຫຼີ ໄດ້ສະເໜີຕໍ່ ສ.ເກົາຫຼີກ່ຽວກັບການຈັດການພົບປະເຈລະຈາຂັ້ນສູງ ເພື່ອຕີລາຄາຄືນສະພາບການປະຕິບັດ “ຖະແຫຼງການປານມູນຈອມ” ແລະ ປຶກສາຫາລືວຽກງານກະກຽມການພົບປະລະຫວ່າງຜູ້ນຳ ສ.ເກົາຫຼີ ແລະ ສປປ ເກົາຫຼີ ແລະບັນຫາອື່ນໆ ຝ່າຍຕົນກໍໄດ້ຮັບເອົາຂໍ້ສະເໜີດັ່ງກ່າວແລ້ວ.
ຂ່າວລາຍງານຕື່ມວ່າ: ທ່ານໂຈມຽງເກິນ ລັດຖະມົນຕີກະຊວງທ້ອນໂຮມເພື່ອຄວາມເປັນເອກະພາບ ສ.ເກົາຫຼີ ຈະເປັນຫົວໜ້າຄະນະຜູ້ແທນ ແລະ ນຳຄະນະຜູ້ແທນເຂົ້າຮ່ວມການພົບປະເຈລະຈາກັນຂັ້ນສູງເທື່ອນີ້ ເພື່ອປຶກສາຫາລືກັບຝ່າຍ ສປປ ເກົາຫຼີຢ່າງເລິກເຊິ່ງກ່ຽວກັບແຜນການຊຸກຍູ້ການປະຕິບັດ “ຖະແຫຼງການປານມູນຈອມ” ແລະ ວຽກງານທີ່ສອງຝ່າຍຕ້ອງການປຶກສາຫາລືເພື່ອຈັດການພົບປະລະຫວ່າງຜູ້ນຳຂອງສອງຝ່າຍ.
ຄຳເຫັນ
0