ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ສິງຫານີ້, ກຸ່ມປະກອບອາວຸດປາແລັສຕິນຢູ່ເຂດກາຊາໄດ້ປະກາດຢຸດຍິງກັບອິດສະຣາແອນໂດຍຢືນຢັນວ່າ ການປະທະກັນຮອບນີ້ໄດ້ສິ້ນສຸດແລ້ວ, ສ່ວນການຢຸດຍິງຈະສາມາດບັນລຸຜົນເປັນຈິງຫຼືບໍ່ແມ່ນຂຶ້ນກັບການກະທຳບາດກ້າວຕໍ່ໄປຂອງອິດສະຣາແອນ.
ທຳນຽບປະທານາທິບໍດີປາແລັສຕິນໄດ້ອອກຖະແຫຼງການໃນວັນທີ 9 ສິງຫານີ້ວ່າ: ທ່ານອັບບັສ ເຄຍໂຣສຕາມີ ປະທານາທິບໍດີປາແລັສຕິນກຳລັງຕິດຕໍ່ພົວພັນກັບບັນດາຝ່າຍທີ່ກ່ຽວຂ້ອງຂອງປະຊາຄົມໂລກຢ່າງຈິງຈັງ ເພື່ອຮຽກຮ້ອງໃຫ້ປະຊາຄົມໂລກເຂົ້າແຊກແຊງຢ່າງສຸກເສີນໃນການສະກັດກັ້ນການເຄື່ອນໄຫວຮຸນແຮງຂຶ້ນຕື່ມຂອງອິດສະຣາແອນຢູ່ເຂດກາຊາ ເພື່ອຫຼີກເວັ້ນບໍ່ໃຫ້ສ້າງຜົນເສຍຫາຍແລະຄວາມວຸ້ນວາຍແກ່ພາກພື້ນນີ້ຫຼາຍກວ່າເກົ່າ.
ໃນບໍ່ເທົ່າໃດເດືອນມານີ້,ກຸ່ມປະກອບອາວຸດປາແລັສຕິນຢູ່ເຂດກາຊາໄດ້ຍິງຈະຫຼວດແລະລູກປືນໃຫຍ່ໃສ່ພາກໃຕ້ອິດສະຣາແອນຫຼາຍເທື່ອ ແລະຍິງປະທະກັນກັບກອງທັບອິດສະຣາແອນທີ່ພາກເໜືອກາຊາ. ອິດສະຣາແອນໄດ້ເພີ່ມທະວີການຖິ້ມລະເບີດແລະປິດລ້ອມເຂດກາຊາ ເຊິ່ງເຮັດໃຫ້ສະຖານະການຢູ່ພາກພື້ນມີຄວາມເຄັ່ງຕຶງຢ່າງຕໍ່ເນື່ອງ.
ຄຳເຫັນ
0