ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງທັບປ້ອງກັນປະເທດອິສຣາແອນຢືນຢັນໃນວັນທີ 9 ສິງຫານີ້ວ່າ, ເຮືອບິນຮົບອິສຣາແອັນໄດ້ຖິ້ມລະເບີດໃສ່ອົງການຮາມາສ໌ຢູ່ເຂດກາຊາ 140 ຈຸດແຕ່ຕອນຄ່ຳວັນທີ 8 ຫາຕອນຂ້ອນແຈ້ງວັນທີ 9 ສິງຫານີ້. ເຈົ້າໜ້າທີ່ທະຫານອິສຣາແອນກ່າວເນັ້ນວ່າ, ປັດຈຸບັນບໍ່ມີແຜນການໂຈມຕີທາງບົກຕໍ່ເຂດກາຊາ.
ທ່ານໂຈນາທານ ຄອນຣີກຸສ ໂຄສົກທະຫານອິສຣາແອນກ່າວຕໍ່ສື່ມວນຊົນວ່າ, ແຕ່ຕອນຄ່ຳວັນທີ 8 ຫາຕອນຂ້ອນແຈ້ງວັນທີ 9 ສິງຫານີ້, ກຳລັງປະກອບອາວຸດຂອງອົງການຮາມາສ໌ຢູ່ເຂດກາຊາໄດ້ຍິງຈະຫຼວດແລະປືນໃຫຍ່ 150 ກວ່າລູກໃສ່ດິນແດນອິສຣາແອນ, ສົ່ງຜົນເຮັດໃຫ້ປະຊາຊົນອິສຣາແອນ 7 ຄົນບາດເຈັບ. ເພື່ອເປັນການຕອບໂຕ້ເຫດການດັ່ງກ່າວ, ເຮືອບິນຮົບອິສຣາແອນຈຶ່ງຖິ້ມລະເບີດໃສ່ອົງການຮາມາສ໌ 140 ຈຸດ, ລວມທັງສິ່ງກໍ່ສ້າງແລະຄັງອາວຸດ, ຖານຍິງຈະຫຼວດ, ຄ້າຍຝຶກຊ້ອມແລະອື່ນໆ.
ຄຳເຫັນ
0