ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ສິງຫານີ້ ກະຊວງການຕ່າງປະເທດອາເມລິກາປະກາດວ່າ, ທ່ານໄມກ ບົມເບໂອ ລັດຖະມົນຕີກະຊວງການຕ່າງປະເທດອາເມລິກາໄດ້ສັ່ງໃຫ້ຖອນທຶນທີ່ໃຊ້ໃນການຮັກສາຄວາມໝັ້ນຄົງຂອງຊີຣີຈຳນວນ 230 ລ້ານໂດລາສະຫະລັດຄືນ ເພື່ອເອົາໄປໃຊ້ໃນຂົງເຂດການຕ່າງປະເທດທີ່ສຳຄັນອື່ນໆ.
ມື້ດຽວກັນ, ທ່ານຮິເດີ ໂນເອີດ ໂຄສົກກະຊວງການຕ່າງປະເທດອາເມລິກາໄດ້ປະກາດຖະແຫຼງການໂດຍກ່າວວ່າ, ອາເມລິກາຍັງຈະຖືການໂຈມຕີອົງການລັດອິສລາມທີ່ເປັນອົງການຈັດຕັ້ງຫົວຮຸນແຮງຢູ່ຊີຣີເປັນໜ້າທີ່ສຳຄັນ. ແຕ່ນັບແຕ່ເດືອນເມສາປີນີ້ເປັນຕົ້ນມາ, ກະຊວງການຕ່າງປະເທດອາເມລິກາໄດ້ຮັບການຊ່ວຍເຫຼືອແລະຄຳໝັ້ນສັນຍາການບໍລິຈາກທີ່ມີມູນຄ່າປະມານ 300 ລ້ານໂດລາສະຫະລັດຈາກປະເທດພັນທະມິດອື່ນໆ ເພື່ອໃຊ້ໃນໂຄງການຮັກສາສັນຕິພາບແລະສ້າງສາຄືນໃໝ່ຢູ່ພາກຕາເວັນອອກສຽງເໜືອຂອງຊີຣີ.
ທ່ານໂນເອີດກ່າວວ່າ, ການຖອນທຶນດັ່ງກ່າວຄືນແມ່ນກ່ຽວພັນກັບທ່ານປະທານາທິບໍດີທລຳຮຽກຮ້ອງໃຫ້ປະເທດພັນທະມິດແລະຄູ່ຮ່ວມມື ຂອງອາເມລິກາຊ່ວຍແບ່ງປັນຄ່າໃຊ້ຈ່າຍທີ່ກ່ຽວຂ້ອງ , ແຕ່ບໍ່ໝາຍຄວາມວ່າອາເມລິກາຈະປັ່ນທອນຄຳໝັ້ນສັນຍາຂອງຕົນຢູ່ຊີຣີ, ແລະຈະບໍ່ກະທົບເຖິງການຊ່ວຍເຫຼືອດ້ານມະນຸດສະທຳຢູ່ຊີຣີ, ອາເມລິກາຈະປະຈຳຢູ່ຊີຣີ ຈົນຮອດອົງການລັດອິສລາມຖືກໂຈມຕີໝົດຢ່າງຖາວອນ.
ຄຳເຫັນ
0