ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ໜັງສືພິມໂລດົງ ຊິນມູນ” ສປປເກົາຫຼີສະບັບວັນທີ 18 ສິງຫານີ້ ໄດ້ພິມບົດວິຈານທີ່ລົງນາມ ໂດຍຮຽກຮ້ອງໃຫ້ທ່ານໂດນາດ ທຣຳ ປະທານາທິບໍດີອາເມລິກາຢ່າຖືກຄວບຄຸມດ້ວຍອິດທິກຳລັງຕໍ່ຕ້ານພາຍໃນປະເທດ, ຫາກແມ່ນຄວນຕັດສິນໃຈເພື່ອທັບມ້າງສະພາບບໍ່ໄປບໍ່ມາລະຫວ່າງສປປເກົາຫຼີ ກັບ ອາເມລິກາໃນປັດຈຸບັນ, ຊຸກຍູ້ການພົວພັນລະຫວ່າງສອງຝ່າຍໃຫ້ປົວແປງດີຂຶ້ນ, ໃຊ້ການກະທຳຢ່າງເດັດຂາດ.
ບົດຄວາມຂຽນວ່າ, ການພົບປະກັນລະຫວ່າງຜູ້ນຳສປປເກົາຫຼີ-ອາເມລິກາຢູ່ສິງກະໂປ ແລະ ການອອກຖະແຫຼງການຮ່ວມລະຫວ່າງສປປເກົາຫຼີ-ອາເມລິກາ, ເຮັດໃຫ້ທົ່ວໂລກກໍ່ຊົມເຊີຍຕໍ່ເລື່ອງນີ້, ແຕ່ເວລາຜ່ານໄປ 2 ເດືອນປາຍ, ການພົວພັນລະຫວ່າງສອງປະເທດພັດບໍ່ໄປບໍ່ມາ, ສາເຫດສຳຄັນທີ່ສຸດກໍ່ແມ່ນໄດ້ຮັບຜົນກະທົບຫຍໍ້ທໍ້ຈາກການສູ້ຊົນທາງການເມືອງພາຍໃນປະເທດອາເມລິກາ. ອິດທິກຳລັງຕໍ່ຕ້ານພາຍໃນອາເມລິກາໄດ້ເຜີຍແຜ່ຂາວລືທີ່ວ່າ “ສປປເກົາຫຼີມີສິ່ງກໍ່ສ້າງນີວເຄຼຍຢ່າງລັບ”, ອັນໄດ້ສ້າງບັນຍາກາດທີ່ການປາສະຈາກນີວເຄຼຍຂອງສປປເກົາຫຼີບໍ່ໜ້າເຊື່ອໄດ້ ແລະ ທັງເພີ່ມແຮງກົດດັນໃຫ້ແກ່ຄະນະເຈລະຈາກັບສປປເກົາຫຼີຂອງອາເມລິກາເຈດຕະນາຢາກ ທຳລາຍການສົນທະນາລະຫວ່າງສອງປະເທດ ເຊິ່ງການພົວພັນລະຫວ່າງສອງປະເທດທີ່ຕົກຢູ່ໃນສະພາບບໍ່ໄປບໍ່ມາໃນປັດຈຸບັນຮຽກຮ້ອງໃຫ້ທ່ານປທານາທິບໍດີທຣຳຕັດສິນໃຈຢ່າງເດັດຂາດ.
ຄຳເຫັນ
0