ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງສິລະປະສຸດຍອດຈີນ “ມິ່ງຂວັນແຫ່ງຊາດ”ທີ່ປະກອບດ້ວຍການວາງສະແດງ,ແນະນຳວິທີການຊື່ນຊົມແລະງານດົນຕີໄດ້ໄຂຂຶ້ນຢູ່ສູນວັດທະນະທຳຈີນບາງກອກປະເທດໄທໃນວັນທີ 19 ສິງຫານີ້, ສິລະປະຈີນທີ່ມີເອກະລັກສະເພາະແລະມີມົນສະເໜ່ໄດ້ສ້າງພາບປະທັບໃຈອັນເລິກເຊິ່ງໃຫ້ແກ່ຜູ້ຊົມທັງຫຼາຍ.
ງານວາງສະແດງສິລະປະຄັ້ງນີ້ແມ່ນຈັດຂຶ້ນໂດຍສິລະປິນທີ່ມີຊື່ສຽງຫຼາຍທ່ານຈາກສະຖາບັນປະດິດສິລະປະວັນນະຄະດີສະຖາບັນຄົ້ນຄວ້າສິລະປະຈີນທີ່ໄດ້ສ້າງສັນຜົນງານອັນສຸດຍອດອີງຕາມເອກະລັກພິເສດຂອງສິລະປະຂະແໜງຕ່າງໆ ແລະເລືອກເຕົ້າໂຮມເອົາສິລະປະຕ່າງໆທີ່ເປັນຕົວແທນໃຫ້ແກ່ສິລະປະດັ້ງເດີມຂອງຈີນເຊັ່ນ ພິນຜີຜາ,ຊໍເອີ້ຫູ, ພິນບູຮານ, ເຄື່ອງປັ້ນດິນເຜົາ,ຜົນງານສິລະປະການຂຽນຕົວອັກສອນແລະຮູບແຕ້ມຈີນແລະອື່ນໆ ເຊິ່ງໄດ້ສ້າງຄວາມປະທັບໃຈອັນໃໝ່ອ່ຽມໃຫ້ແກ່ຜູ້ຊົມທັງຫຼາຍ.
ທ່ານຈູ່ເລີ້ເກິ່ງ ຫົວໜ້າສະຖາບັນປະດິດສິລະປະວັນນະຄະຄີຂອງສະຖາບັນຄົ້ນຄວ້າສິລະປະຈີນໃຫ້ຮູ້ວ່າ: ງານວາງສະແດງສິລະປະຄັ້ງນີ້ຈະຈັດໃຫ້ມີການບັນຍາຍທາງວິຊາການຈາກ ແງ່ມູມພິເສດ,ຫວັງວ່າຈະເຮັດໃຫ້ຜູ້ຊົມໄທສາມາດຮັບຮູ້ແລະສຳຜັດໄດ້ກັບຫົວກະທິແລະມົນສະເໜ່ຂອງວັດທະນະທຳດັ້ງເດີມແລະສິລະປະອະມະຕະຂອງຈີນຢ່າງຮອບດ້ານແລະເຂົ້າໃຈໄດ້ງ່າຍ.
ຄຳເຫັນ
0