ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 20 ສິງຫານີ້, ປະຊາຊົນ ສ.ເກົາຫຼີ 89 ຄົນເຂົ້າຮ່ວມກິດຈະກຳເຕົ້າໂຮມຄອບຄົວທີ່ພັດພາກຈາກກັນໄປຢູ່ຄົນລະທິດ. ເຂົາເຈົ້າໄດ້ເດີນທາງຈາກໂຊກໂຊທີ່ເປັນເມືອງແຄມຝັ່ງທະເລທາງພາກຕາເວັນອອກສຽງເໜືອຂອງ ສ.ເກົາຫຼີ, ໄປພົບໜ້າພໍ້ຕາກັບຄອບຄົວຂອງເຂົາເຈົ້າຢູ່ພູເກີມກາງ ສປປ ເກົາຫຼີ.
ຕາມກະຊວງທ້ອນໂຮມປະເທດຊາດເປັນເອກະພາບຂອງ ສ.ເກົາຫຼີ ໃຫ້ຮູ້ວ່າ: ຄາດວ່າ ປະຊາຊົນ ສ.ເກົາຫຼີ ຈະເດີນທາງໄປເຖິງພູເກີມກາງໃນເວລາ 12 ໂມງ 30 ນາທີຂອງມື້ດັ່ງກ່າວ,ແລະຈະເລີ່ມກິດຈະກຳໃນເວລາ 15 ໂມງ.
ສ.ເກົາຫຼີ ແລະ ສປປ ເກົາຫຼີ ໄດ້ຕົກລົງກັນຈະຈັດກິດຈະກຳເຕົ້າໂຮມຄອບຄົວທີ່ພັດພາກຈາກກັນໄປຢູ່ຄົນລະທິດສອງເທື່ອຢູ່ພູເກີມກາງ. ໃນວັນທີ 20 ຫາວັນທີ 22 ສິງຫານີ້, ປະຊາຊົນ ສ.ເກົາຫຼີ 89 ຄົນຈະໄດ້ພົບໜ້າພໍ້ຕາກັບຄອບຄົວຂອງເຂົາເຈົ້າຢູ່ ສປປ ເກົາຫຼີ. ໃນວັນທີ 24 ຫາວັນທີ 26 ສິງຫານີ້, ປະຊາຊົນ ສປປ ເກົາຫຼີ 83 ຄົນຈະໄດ້ພົບໜ້າພໍ້ຕາກັບຄອບຄົວຂອງເຂົາເຈົ້າຢູ່ ສ.ເກົາຫຼີ ເຊັ່ນກັນ.
ຄຳເຫັນ
0