ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນອັຟການິສະຖານລາຍງານໃນວັນທີ 19 ສິງຫານີ້ວ່າ, ທ່ານອາສຣັຟ ການີ ອາມາຊາຍ ປະທານາທິບໍດີອັຟການິສະຖານປະກາດໃນມື້ດຽວກັນວ່າ, ລັດຖະບານຕົນຈະປະຕິບັດການຢຸດຍິງເປັນເວລາ 3 ເດືອນຢ່າງມີເງື່ອນໄຂກັບກຸ່ມຕາລີບັນຂອງປະເທດຕົນ.
ທ່ານການີກ່າວວ່າ, ລັດຖະບານແລະກຸ່ມຕາລີບັນຈະ “ປະຕິບັດການຢຸດຍິງຢ່າງມີເງື່ອນໄຂ”. ໄລຍະການຢຸດຍິງຈະເປັນເວລາ 3 ເດືອນ ແລະ ເລີ່ມປະຕິບັດໃນວັນທີ 20 ສິງຫານີ້ ພາຍຫຼັງໄດ້ຮັບການຢືນຢັນຈາກກຸ່ມຕາລີບັນ. ປັດຈຸບັນ, ເຈົ້າໜ້າທີ່ຕາລີບັນຍັງບໍ່ໄດ້ໃຫ້ຄຳຕອບກ່ຽວກັບເລື່ອງນີ້.
ຂະນະດຽວກັນ, ວົງການຕ່າງໆຂອງອັຟການິສະຖານໄດ້ຈັດກິດຈະກຳຕ່າງໆ ເພື່ອສະເຫຼີມສະຫຼອງວັນສະຖາປະນາອັຟການິສະຖານຄົບຮອບ 99 ປີ. ທ່ານການີໄດ້ວາງພວງມາລາຕໍ່ໜ້າອະນຸສາວະລີເອກະລາດທີ່ກະຊວງປ້ອງກັນປະເທດຢູ່ນະຄອນຫຼວງກາບູນ ແລະ ສະແດງຄວາມເຄົາລົບຢ່າງສູງຕໍ່ເຈົ້າໜ້າທີ່ຄວາມໝັ້ນຄົງທີ່ໄດ້ເສຍສະຫຼະ ເພື່ອພາລະກິດສັນຕິພາບແຫ່ງຊາດ.
ຄຳເຫັນ
0