ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ສິງຫານີ້, ອົງການປົກຄອງແຂວງອັງກາຣາຂອງຕວກກີກ່າວວ່າ: ໃນມື້ດຽວກັນ,ຜູ້ຕ້ອງສົງໄສທີ່ມີສ່ວນກ່ຽວຂ້ອງກັບເຫດຍິງສະຖານທູດອາເມຣິກາປະຈຳຕວກກີສອງຄົນໄດ້ຖືກເຈົ້າໜ້າທີ່ຕຳຫຼວດຕວກກີຈັບຕົວ.
ອົງການປົກຄອງດັ່ງກ່າວໄດ້ອອກຖະແຫຼງການວ່າ: ຜູ້ຕ້ອງສົງໄສສອງຄົນລ້ວນແຕ່ແມ່ນພົນລະເມືອງຕວກກີ,ເຂົາເຈົ້າໄດ້ສາລະພາບເປັນຜູ້ຍິງສະຖານທູດອາເມຣິກາປະຈຳຕວກກີ. ປັດຈຸບັນ, ຈຸດປະສົງຂອງການກໍ່ອາຊະຍາກຳຂອງຜູ້ຕ້ອງສົງໄສພວມຢູ່ໃນຂັ້ນຕອນການສືບສວນ.
ໃນຫຼາຍມື້ຜ່ານມາ,ການພົວພັນທີ່ເຄັ່ງຕຶງລະຫວ່າງຕວກກີ-ອາເມຣິກາໄດ້ມີຄວາມຮຸນແຮງຂຶ້ນຢ່າງຕໍ່ເນື່ອງ,ປະຊາຊົນຕວກກີຈຳນວນໜຶ່ງໄດ້ມີອາລົມຕໍ່ຕ້ານອາເມຣິການັບມື້ນັບຫຼາຍຂຶ້ນ.ໃນເວລາປະມານ 5 ໂມງຂອງວັນທີ 20 ສິງຫານີ້ຕາມເວລາທ້ອງຖິ່ນ,ສະຖານທູດອາເມຣິກາປະຈຳຕວກກີທີ່ນະຄອນຫຼວງອັງກາຣາໄດ້ຖືກມືປືນທີ່ບໍ່ຊາບຝ່າຍຍິງ,ເຫດການເທື່ອນີ້ບໍ່ໄດ້ເຮັດໃຫ້ມີຜູ້ເສຍຊີວິດແລະບາດເຈັບ. ໂຄສົກທຳນຽບປະທານາທິບໍດີຕວກກີກ່າວປະນາມຕໍ່ເຫດດັ່ງກ່າວວ່າການກະທຳແບບນີ້ແມ່ນມີເຈດຕະນາກໍ່ຄວາມວຸ້ນວາຍຢ່າງແນ່ນອນ. ກະຊວງການຕ່າງປະເທດຕວກກີໄດ້ອອກຖະແຫຼງການວ່າ: ຕວກກີໄດ້ໃຊ້ມາດຕະການເພື່ອເພີ່ມທະວີການປ້ອງກັນຄວາມປອດໄພພະນັກງານສະຖານທູດແລະສະຖານກົງສຸນອາເມຣິກາປະຈຳຕວກກີຢ່າງເຂັ້ມງວດ.
ຄຳເຫັນ
0