ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ສິງຫານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກສະແດງຄວາມເສົ້າສະຫຼົດໃຈເຖິງທ່ານອັນໂຕນິໂອ ກູເຕີເຣສ ເລຂາທິການໃຫຍ່ອົງການ ສປຊ ກ່ຽວກັບທ່ານໂກຟີ ອັນນານ ອະດີດເລຂາທິການໃຫຍ່ອົງການ ສປຊ ມໍລະນະກຳ. ທ່ານສີຈິ້ນຜິງໄດ້ສະແດງຄວາມໄວ້ອາໄລຢ່າງສຸດເຊິ້ງຕໍ່ທ່ານໂກຟີ ອັນນານມໍລະນະກຳ ແລະ ສະແດງຄວາມເຫັນໃຈຢ່າງຈິງໃຈໄປຍັງຄອບຄົວທ່ານອັນນານ ແລະ ອົງການ ສປຊ.
ເນື້ອໃນຂອງໂທລະເລກຂຽນວ່າ, ທ່ານໂກຟີ ອັນນານເປັນເພື່ອນເກົ່າຂອງປະຊາຊົນຈີນ, ໃນໄລຍະທ່ານດຳລົງຕຳແໜ່ງເລຂາທິການໃຫຍ່ອົງການ ສປຊ, ການຮ່ວມມືລະຫວ່າງຈີນແລະອົງການ ສປຊ ໄດ້ຮັບການເພີ່ມທະວີຢ່າງຮອບດ້ານ. ທ່ານອັນນານເປັນນັກການເຄື່ອນໄຫວສາກົນທີ່ມີຊື່ສຽງໃນໂລກ, ໄດ້ຕັ້ງໜ້າສົ່ງເສີມລັດທິຫຼາຍຝ່າຍມາໂດຍຕະຫຼອດ, ຊຸກຍູ້ການເພີ່ມທະວີບົດບາດຂອງອົງການ ສປຊ ແລະ ໄດ້ມີການປະກອບສ່ວນອັນໂດດເດັ່ນຕໍ່ສັນຕິພາບ ແລະ ການພັດທະນາຂອງໂລກ.
ທ່ານສີຈິ້ນຜິງກ່າວເນັ້ນວ່າ, ພາຍໃຕ້ສະຖານະການທີ່ໂລກປັດຈຸບັນມີຄວາມບໍ່ໝັ້ນທ່ຽງ ແລະ ປັດໄຈບໍ່ແນ່ນອນຫຼາຍຂຶ້ນ, ລັດທິຫຼາຍຝ່າຍທີ່ທ່ານອັນນານສົ່ງເສີມນັ້ນມີຄວາມໝາຍຕົວຈິງເປັນພິເສດ, ປະຊາຊົນບັນດາປະເທດຍ່ອມຈະລຳນຶກເຖິງຄວາມພະຍາຍາມແລະການປະກອບສ່ວນຂອງທ່ານ.
ຄຳເຫັນ
0