ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານມາຕາເມລາ ຊີຣິນ ຣາມາໂຟຊາ ປະທານາທິບໍດີອາຟຣິກາໃຕ້ຢູ່ຫໍສະພາປະຊາຊົນນະຄອນຫຼວງປັກກິ່ງ.
ທ່ານສີຈິ້ນຜິງກ່າວເນັ້ນວ່າ, ເນື້ອໃນການພົວພັນຈີນ-ອາຟຣິກາໃຕ້ໄດ້ລື່ນກາຍຂອບເຂດສອງຝ່າຍ ແລ້ວກາຍເປັນການພົວພັນທີ່ມີລັກສະນະທົ່ວໂລກ ແລະ ມີຜົນດີທາງຍຸດທະສາດ. ນັບແຕ່ສອງປະເທດສ້າງສາຍພົວພັນທາງການທູດ 20 ປີມານີ້, ສອງປະເທດຕ່າງກໍໄດ້ເຄົາລົບເຊິ່ງກັນແລະກັນ, ມີຄວາມໄວ້ເນື້ອເຊື່ອໃຈກັນ ແລະ ເປັນການພົວພັນທີ່ຕ່າງຝ່າຍຕ່າງໄດ້ຜົນປະໂຫຍດ, ສອງປະເທດໄດ້ຮັກສາການພົວພັນທີ່ສະໜິດແໜ້ນ ແລະ ເພິ່ງພາອາໄສກັນ. ພວກເຮົາຄວນເພີ່ມທະວີການໄປມາຫາສູ່ກັນລະຫວ່າງການນຳຂັ້ນສູງ, ລົງເລິກຄວາມໄວ້ເນື້ອເຊື່ອໃຈທາງການເມືອງ, ຊຸກຍູ້ການຮ່ວມມືຕົວຈິງ, ເພີ່ມທະວີການແລກປ່ຽນລະຫວ່າງພັກ ແລະ ດ້ານວັດທະນະທຳ, ຮ່ວມກັນອອກແຮງຊຸກຍູ້ໃຫ້ລະບົບສາກົນ ແລະ ລະບຽບສາກົນຂະຫຍາຍໄປສູ່ທິດທາງທີ່ຍຸດຕິທຳ ແລະ ສົມເຫດສົມຜົນກວ່າເກົ່າ.
ທ່ານຣາມາໂຟຊາກ່າວວ່າ, ການຮັກສາການໄປມາຫາສູ່ລະຫວ່າງການນຳຂັ້ນສູງມີຄວາມໝາຍສຳຄັນທີ່ສຸດ ເພື່ອລົງເລິກຄວາມໄວ້ເນື້ອເຊື່ອໃຈກັນລະຫວ່າງສອງປະເທດ. ອາຟຣິກາໃຕ້ ແລະ ຈີນມີຫຼັກໝັ້ນຄ້າຍຄືກັນໃນວຽກງານສາກົນ. ພາຍໃຕ້ສະຖານະການປັດຈຸບັນ, ສອງຝ່າຍຄວນອອກແຮງປົກປັກຮັກສາລັດທິຫຼາຍຝ່າຍ ແລະ ລະບົບການຄ້າສາກົນ, ປົກປັກຮັກສາຜົນປະໂຫຍດຮ່ວມຂອງປະເທດຕະຫຼາດຈະເລີນໃໝ່ ແລະ ປະເທດພວມພັດທະນາ.
ຫຼັງການເຈລະຈາ, ປະມຸກລັດສອງປະເທດຍັງຮ່ວມກັນເປັນສັກຂີພິຍານໃຫ້ແກ່ການລົງນາມໃນເອກະສານຮ່ວມມືລະຫວ່າງສອງຝ່າຍ.
ຄຳເຫັນ
0