ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກັນຍານີ້, ງານວາງສະແດງ “ການປະຕິຮູບ ແລະເປີດປະຕູສູ່ພາຍນອກ ກໍຄືການພັດທະນາສິດທິມະນຸດຂອງຈີນ” ໄດ້ຈັດຂຶ້ນຢູ່ພະລາຊະວັງນານາຊາດນະຄອນເຊີແນວປະເທດສະວິດ ເຊິ່ງໄດ້ແບ່ງອອກເປັນ 38 ພາກສ່ວນ, ມີຮູບພາບເກືອບ 90 ແຜ່ນ, ຂະນະດຽວກັນຍັງໄດ້ສາຍວິດີໂອກ່ຽວກັບຜົນສຳເລັດການຫຼຸດຜ່ອນຄວາມທຸກຍາກຂອງຈີນຢ່າງເປັນປະຈຳ.
ນັບແຕ່ຈີນດຳເນີນການປະຕິຮູບ ແລະເປີດປະຕູສູ່ພາຍນອກຕະຫຼອດ 40 ປີຜ່ານມາ, ໄດ້ຮັບຜົນສຳເລັດອັນໃຫຍ່ຫຼວງທາງດ້ານການຫຼຸດຜ່ອນຄວາມທຸກຍາກ ເຊິ່ງກໍເປັນຈຸດເດັ່ນທີ່ໜ້າສົນໃຈຂອງປະຊາຄົມໂລກໃນງານວາງສະແດງຄັ້ງນີ້.
ໃນມື້ດຽວກັນ, ທ່ານວໍຈິສເລຟ ສຸກ ປະທານສະພາສິດທິມະນຸດອົງການສະຫະປະຊາຊາດ, ທ່ານວີລຽມ ລາຊີ ສວີງ ຜູ້ອຳນວຍການອົງການຊາວອົບພະຍົບສາກົນ, ທູຕານຸທູດຂອງ 30 ປະເທດ ກໍຄືຄະນະຜູ້ແທນບັນດາປະເທດປະຈຳເຊີແນວ, ອົງການທີ່ກ່ຽວຂ້ອງຂອງອົງການ ສປຊ ແລະອົງການບໍ່ສັງກັດລັດຖະບານທັງໝົດ 600 ກວ່າທ່ານໄດ້ເຂົ້າຮ່ວມພິທີເປີດງານວາງສະແດງຄັ້ງນີ້.
ຄຳເຫັນ
0