尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ທ່ານ ເຊີ້ນ​ໄຫ​ໂສງ ​ກ່າວປາ​ໄສ​​ໃນເວ​ທີ​ປຶກ​ສາ​ຫາ​ລື​ວິ​ໄສ​ທັດ​ຂ່າວ​ອາ​ຊີ​ພາຍ​ໃຕ້​ການ​ປ່ຽນ​ແປງ​ໃໝ່​ດ້ານ​ເສດ​ຖະ​ກິດ​ແລະ​ການ​ເມືອງ

2018-09-12 17:03:21 cri

图片默认标题_fororder_1

ວັນ​ທີ 12 ກັນ​ຍາ​ນີ້, ທ່ານ ເຊີ້ນ​ໄຫ​ໂສງ ຜູ້​ອຳ​ນວຍ​ການ​ໃຫຍ່​ສະ​ຖາ​ນີ​ວິ​ທະ​ຍຸ​ໂທ​ລະ​ພາບ​ສູນ​ກາງ​ຈີນໄດ້​ເຂົ້າ​ຮ່ວມ​ເວ​ທີ​ປຶກ​ສາ​ຫາ​ລື​ຍ່ອຍ​​ວິ​ໄສ​ທັດ​​ຂ່າວ​ອາ​ຊີ​ພາຍ​ໃຕ້​ການ​ປ່ຽນ​ແປງ​ໃໝ່​ດ້ານ​ເສດ​ຖະ​ກິດ​ແລະ​ການ​ເມືອງພາຍ​ໃຕ້​ຂອບ​ເວ​ທີປຶກ​ສາ​ຫາ​ລື​ເສດ​ຖະ​ກິດ​ຕາ​ເວັນ​ອອກ​ຄັ້ງ​ທີ 4 ​ໂດຍ​ກ່າວ​ວ່າ: ພາຍ​ໃຕ້ສະ​ພາບການໃໝ່,ສື່ມວນ​ຊົນ​ອາ​ຊີ​ຄວນ​ເພີ່ມ​ທະ​ວີ​ການ​ຮ່ວມ​ມື​ທາງ​ຍຸດ​ທະ​ສາດ​ຕື່ມ​ອີກ,ຮ່ວມ​ກັນ​ໂຄ​ສະ​ນາ​ເຜີຍ​ແຜ່​ຂ່າວອາ​ຊີ.


ທ່ານ ເຊີ້ນ​ໄຫ​ໂສງ ກ່າວ​ວ່າ: ປີ​ນີ້​ແມ່ນ​ປີ​ແຫ່ງ​ການ​ປະ​ຕິ​ຮູບ​​ແລະ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ຄົບ​ຮອບ 40 ປີ. ໃນ 40 ປີ​ຜ່ານ​ມາ,ການ​ພັດ​ທະ​ນາ​ແລະ​ການ​ປະ​ຕິ​ຮູບ​ຂອງ​ຈີນ​ໄດ້​ຮັບ​ໝາກ​ຜົນ​ທີ່​ໃຫຍ່​ຫຼວງທີ່​ປາ​ສະ​ຈາກ​ບໍ່​ໄດ້ການ​ຮ່ວມ​ມື​​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດກັບບັນ​ດາ​ປະ​ເທດ​ອາ​ຊີ​ກໍ​ຄື​ບັນ​ດາ​ປະ​ເທດ​ໃນ​ໂລກ. ທ່ານເນັ້ນ​ໜັກ​ວ່າ:ບັນ​ດາ​ປະ​ເທດ​ອາ​ຊີ​ຊ່ວຍ​ເຫຼືອ​ເຊິ່ງ​ກັນ​ແລະ​ກັນ​ແລະ​ມີ​ຊາ​ຕາ​ກຳ​​ຮ່ວມ​ກັນ,ສື່ມວ​ນ​ຊົນ​ຂ່າວ​ມີ​ພາ​ລະ​ອັນ​ເປັນ​ທຳ​ທີ່​ປັດ​ປ່າຍ​ບໍ່​ໄດ້​ໃນ​ຂະ​ບວນ​ການ​ຊຸກ​ຍູ້​ສ້າງ​ຈິດ​ສຳ​ນຶກປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງ​ມວນ​ມະ​ນຸດ​ໃນອາ​ຊີ​ແລະ​ເຕົ້າ​ໂຮມ​ສະ​ຕິ​ປັນ​ຍາ​ແລະ​ກຳ​ລັງ​ດ້ານ​ການ​ພັດ​ທະ​ນາ​ແລະ​ການ​ຮ່ວມ​ມື​ຕາມຄວາມ​ສາ​ມາດ​ຂອງ​ຕົນ.

图片默认标题_fororder_2
ທ່ານ ເຊີ້ນ​ໄຫ​ໂສງ ກ່າວ​ຕື່ມ​ວ່າ: ເພື່ອ​ໃຫ້ສອດ​ຄ່ອງ​ກັບ​ການ​ປ່ຽນ​ແປງ​ເລື້ອຍໆຂອງ​ສະພາ​ບ​ການ​ໂລກ​ແລະ​ສ້າງ​ພື້ນ​ທີ່​ສື່ມວນ​ຊົນ​ເອີ​ຣົບ-ອາ​ຊີ​ໃນ​ຍຸກ​ໃໝ່,ຄວນຊຸກ​ຍູ້​ການ​ຮ່ວມ​ມື​ຂອງ​ສື່ມວນ​ຊົນ​ອາ​ຊີໃນ​ຍຸກ​ໃໝ່​ຈາກ 3 ດ້ານ​ຄື: ໜຶ່ງ, ວາງ​ລະ​ບຽບ​ການ​​ການຮ່ວມ​ມື,ຍົກ​ລະ​ດັບ​ການ​ຮ່ວມ​ມື​ທາງຍຸດ​ທະ​ສາດ​ຂອງ​ສື່ມວນ​ຊົນ. ສອງ, ຍຶດ​ໝັ້ນ​ການ​ປະ​ດິດ​ສ້າງ​ໃໝ່​ເປັນ​ສຳ​ຄັນ,ລົງ​ເລິກ​ການ​ຮ່ວມ​ມື​ຂອງ​ສື່​ໃໝ່. ສາມ,ຊຸກ​ຍູ້​ການ​ຮ່ວມ​ມື​ໂຄ​ສະ​ນາ​ເຜີຍ​ແຜ່​ຂ່າວ,ກາຍ​ເປັນ​ກຳ​ລັງ​ສັງ​ລວມ.


ສື່ມວນ​ຊົນ​ອາ​ຊີ​ຄວນ​ເພີ່ມ​ພະ​ລັງ​ແຮງ​ດ້ານ​ການ​ຮ່ວມ​ມື​ໂຄ​ສະ​ນາ​ເຜີຍ​ແຜ່ຂ່າວ​ຕື່ມ​ອີກ,ສ້າງ​ກົນ​ໄກ​ການ​ຮ່ວມ​ມື,ຍົກ​ລະ​ດັບ​ການ​ຮ່ວມ​​ມື​ແລະ​ປະ​ສິດ​ທິ​ພາບ​ການ​ໂຄ​ສະ​ນາ​ເຜີຍ​ແຜ່​ຂ່າວ​ລະ​ຫວ່າງ​ອາ​ລະ​ຍະ​ທຳ​ຕ່າງໆ.

ຄຳ​ເຫັນ

0