ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 12 ກັນຍານີ້, ພາຍຫຼັງສຳເລັດການເຂົ້າຮ່ວມເວທີປຶກສາຫາລືເສດຖະກິດຕາເວັນອອກຄັ້ງທີ 4 ແລ້ວ, ທ່ານສີຈິ້ນຜິງ ປະທານປະເທດຈີນໄດ້ເດີນທາງກັບຄືນນະຄອນຫຼວງປັກກິ່ງດ້ວຍຄວາມສະຫວັດດີພາບ.
ທ່ານຕີ່ງເສວ່ຊຽງ ກຳມະການກົມການເມືອງສູນກາງພັກກອມມູນິດຈີນ, ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ, ທ່ານຢາງເຈຊື ກຳມະການກົມການເມືອງສູນກາງພັກກອມມູນິດ, ຫົວໜ້າຄະນະກຳມະການວຽກງານຕ່າງປະເທດຈີນ, ທ່ານວາງຢີ້ ທີ່ປຶກສາແຫ່ງລັດຈີນ, ທັງເປັນລັດຖະມົນຕີກະຊວງການຕ່າງປະເທດສູນກາງຈີນ, ທ່ານເຮີລີ້ເຟີ່ງ ຮອງປະທານສະພາປຶກສາການເມືອງປະຊາຊົນແຫ່ງຊາດ, ປະທານຄະນະກຳມະການພັດທະນາ ແລະປະຕິຮູບແຫ່ງຊາດຈີນ ແລະບຸກຄົນສຳຄັນອື່ນໆໄດ້ເດີນທາງເຖິງນະຄອນຫຼວງປັກກິ່ງດ້ວຍເຮືອບິນພິເສດ.
ໃນໄລຍະເຂົ້າຮ່ວມກອງປະຊຸມຢູ່ວາລາດີໂວດສະຕອກ, ທ່ານສີຈິ້ນຜິງໄດ້ຮ່ວມກັບທ່ານວາຣາດີເມຍປູຕິນ ປະທານາທິບໍດີຣັດເຊຍທ່ຽວຊົມງານວາງສະແດງຮູບພາບການຮ່ວມມືເສດຖະກິດ-ການຄ້າຈີນ-ຣັດເຊຍ.
ຄຳເຫັນ
0