ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ກັນຍານີ້ ກອງປະຊຸມເວທີປຶກສາຫາລືກ່ຽວກັບຂໍ້ມູນຂ່າວສານຈີນ-ອາຊຽນທີ່ມີຫ້ອງວ່າການກ່ຽວກັບຂໍ້ມູນຂ່າວສານທາງອິນເຕີເນັດແຫ່ງຊາດຈີນ, ຄະນະກຳມະການພັດທະນາແລະປະຕິຮູບແຫ່ງຊາດຈີນ, ກະຊວງອຸສດາຫະກຳແລະຂໍ້ມູນຂ່າວສານຈີນ ແລະອົງການປົກຄອງປະຊາຊົນເຂດກວາງຊີເຜົ່າຈ້ວງປົກຄອງຕົນເອງເປັນເຈົ້າພາບຮ່ວມນັ້ນ ໄດ້ໄຂຂຶ້ນຢູ່ນະຄອນໜານນິງເຂດກວາງຊີ ສປ ຈີນ. ໃນພິທີໄຂກອງປະຊຸມດັ່ງກ່າວ, ທ່ານເສີນອູ ປະທານເຂດກວາງຊີເຜົ່າຈ້ວງປົກຄອງຕົນເອງ ໄດ້ກ່າວຄຳອວຍພອນຕໍ່ກອງປະຊຸມ, ທ່ານຢາງຊຽວເວີຍ ຮອງຫົວໜ້າຫ້ອງວ່າການກ່ຽວກັບຂໍ້ມູນຂ່າວສານດ້ານອິນເຕີເນັດແຫ່ງຊາດຈີນ, ທ່ານໂລສ ຊູຣະຄະ ທີ່ປຶກສາກະຊວງໄປສະນີກຳປູເຈຍ, ທ່ານບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງໄປສະນີ ໂທລະຄົມມະນາຄົມແລະການສື່ສານ ສປປ ລາວ, ທ່ານອົງຄຽນມິງ ຮອງລັດຖະມົນຕີກະຊວງການຄ້າສາກົນແລະອຸດສາຫະກຳມາເລເຊຍດ ທ່ານຈິດເວີຍ ເລຂາທິການປະຈຳກະຊວງຄົມມະນາຄົມແລະການສື່ສານມຽນມາ ແລະທ່ານນາງທັນລີຊັນ ຮອງເລຂາປະຈຳກະຊວງການສື່ສານແລະຖະແຫຼງຂ່າວຂອງສິງກະໂປໄດ້ເຂົ້າຮ່ວມກອງປະຊຸມດັ່ງກ່າວແລະປະກອບຄຳຄິດຄຳເຫັນ.
ເຈົ້າໜ້າທີ່ລັດຖະບານ, ນັກທຸລະກິດທີ່ມີຊື່ສຽງ, ຜູ້ນຳວົງການການຄ້າ ແລະນັກປາດວິຊາການຈາກຈີນ, ອາເມລິກາ, ອິນເດຍແລະບັນດາປະເທດອາຊຽນລວມທັງໝົດ 500 ກວ່າຄົນໄດ້ເຂົ້າຮ່ວມກອງປະຊຸມດັ່ງກ່າວ.
ຄຳເຫັນ
0