ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ກັນຍານີ້, ທ່ານຫວາງສິນ ຜູ້ຕາງໜ້າຖາວອນຂອງຈີນຄົນໃໝ່ປະຈຳອົງການສະຫະປະຊາຊາດ ແລະອົງການສາກົນອື່ນໆຢູ່ນະຄອນຫຼວງວຽນປະເທດໂອຕຼິດໄດ້ຮຽກຮ້ອງໃຫ້ບັນດາຝ່າຍສະໜັບສະໜູນສັນຍາຮອບດ້ານກ່ຽວກັບບັນຫານີວເຄຼຍອີຣານໃນກອງປະຊຸມສະພາມົນຕີອົງການພະລັງງານນີວເຄຼຍສາກົນ.
ທ່ານຫວາງສິນກ່າວວ່າ: ສັນຍານິວເຄຼຍອີຣານເປັນສັນຍາຫຼາຍຝ່າຍທີ່ຖືກຮັບຮອງໂດຍສະພາຄວາມໝັ້ນຄົງອົງການສະຫະປະຊາຊາດ ແລະໄດ້ສະແດງໃຫ້ເຫັນຄວາມມີປະສິດທິຜົນຈາກການປະຕິບັດຕົວຈິງການສະໜັບສະໜູນຢ່າງສະເໝີຕົ້ນສະເໝີປາຍຕໍ່ສັນຍານີ້ແມ່ນກະແສຕົ້ນຕໍສາກົນ ໂດຍສະເພາະໃນກອງປະຊຸມລັດຖະມົນຕີກະຊວງການຕ່າງປະເທດກ່ຽວກັບບັນຫານິວເຄຼຍອີຣານທີ່ໄດ້ຈັດຂຶ້ນໃນເດືອນກໍລະກົດປີນີ້ໄດ້ເປີດເຜີຍວ່າ, ຈະສືບຕໍ່ຈັດຕັ້ງປະຕິບັດສັນຍາດັ່ງກ່າວ ແລະຄັດຄ້ານການຂວ້ຳບາດຝ່າຍດຽວ. ຈີນຈະເດັດດ່ຽວສະໜັບສະໜູນ ແລະຮັກສາສັນຍານີວເຄຼຍອີຣານ ແລະຈັດຕັ້ງປະຕິບັດຄຳໝັ້ນສັນຍາ ແລະໜ້າທີ່ຂອງຕົນຢ່າງເດັດດ່ຽວ. ຈີນຫວັງວ່າປະເທດທີ່ກ່ຽວຂ້ອງຈະຖືສະພາບລວມ ແລະໄລຍະຍາວເປັນສຳຄັນ, ຕັ້ງໜ້າປະກອບສ່ວນຕາມຄວາມຮຽກຮ້ອງຂອງປະຊາຄົມໂລກ, ປະຖິ້ມແນວຄິດອະຄະຕິ, ການຂວ້ຳບາດຝ່າຍດຽວ ແລະອື່ນໆ, ຫຼີກເວັ້ນເພື່ອບໍ່ໃຫ້ສະຖານະການເຄັ່ງຕຶງຂຶ້ນຕື່ມອີກ.
ຄຳເຫັນ
0