ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເວທີປຶກສາຫາລືການຄ້າເອເລັກໂຕຣນິກສູນຂໍ້ມູນຂ່າວສານຈີນ-ອາຊຽນ 2018 ຈັດຂຶ້ນຢູ່ນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີ ສປ ຈີນໃນວັນທີ 13 ກັນຍານີ້, ໂດຍມີເຈົ້າໜ້າທີ່ລັດຖະບານ, ນັກທຸລະກິດດີເດັ່ນ, ນັກວິຊາການແລະບຸກຄົນສຳຄັນອື່ນໆ 300 ກວ່າທ່ານຈາກຈີນແລະອາຊຽນເຂົ້າຮ່ວມ, ເພື່ອຮ່ວມກັນຄົ້ນຄວ້າປຶກສາຫາລືຊ່ອງທາງໃໝ່ແລະໂອກາດໃໝ່ດ້ານການພັດທະນາການຄ້າເອເລັກໂຕຣນິກຈີນແລະອາຊຽນ, ລົງເລິກການແລກປ່ຽນແລະຮ່ວມມືເສດຖະກິດການຄ້າທາງອອນລານລະຫວ່າງຈີນແລະອາຊຽນ ຕື່ມອີກ.
ບັນດາຜູ້ແທນທີ່ຮ່ວມປະຊຸມເຫັນວ່າ, ການຈັດກອງປະຊຸມເວທີປຶກສາຫາລືຄັ້ງນີ້ຢ່າງສຳເລັດຜົນ, ຈະສ້າງໂອກາດຫຼາຍກວ່າເກົ່າໃຫ້ແກ່ການຮ່ວມມືດ້ານອິນເຕີເນັດແລະວິສາຫະກິດການຄ້າເອເລັກໂຕຣນິກຂອງຈີນແລະອາຊຽນ, ຊຸກຍູ້ການຮ່ວມມືເສດຖະກິດການຄ້າຈີນແລະອາຊຽນໃຫ້ຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພັດທະນາຂະແໜງການການຄ້າເອເລັກໂຕຣນິກຂອງຈີນແລະອາຊຽນ, ແລະຊຸກຍູ້ການຍົກລະດັບດ້ານເສດຖະກິດດັ້ງເດີມໃຫ້ຂະຫຍາຍຕົວຕື່ມອີກ.
ຄຳເຫັນ
0