ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບົດລາຍງານການສຳຫຼວດສະຖານະການດ້ານເສດຖະກິດທົ່ວປະເທດອາເມຣິກາທີ່ທະນາຄານກາງອາເມຣິກາຫຼື FED ເປີດເຜີຍໃນວັນທີ 12 ກັນຍານີ້ສະແດງໃຫ້ເຫັນວ່າ, ນະໂຍບາຍຂອງລັດຖະບານອາເມຣິກາທີ່ຂຶ້ນພາສີຕໍ່ສິ້ນຄ້ານຳເຂົ້າພວມເຮັດໃຫ້ຕົ້ນທຶນຂອງວິສາຫະກິດອາເມຣິກາສູງຂຶ້ນ, ແລະພາໃຫ້ເກີດມີຄວາມກັງວົນທີ່ອາດຈະມີຜົນລົບຕໍ່ການລົງທຶນຂອງວິສາຫະກິດແລະເສດຖະກິດອາເມຣິກາ.
ບົດລາຍງານສະແດງໃຫ້ເຫັນວ່າ, ແຕ່ກາງເດືອນກໍລະກົດຫາທ້າຍເດືອນສິງຫາປີນີ້, ວິສາຫະກິດຕ່າງໆໃນເຂດຄອບຄອງຂອງທະນາຄານກາງສະຫະລັດສາຂາທ້ອງຖິ່ນຕ່າງໆລ້ວນແຕ່ຜະເຊີນກັບແຮງກົດກັນດ້ານຕົ້ນທຶນສູງຂຶ້ນ, ໂດຍສະເພາະແມ່ນຂະແໜງການຜະລິດຍິ່ງພົ້ນເດັ່ນກວ່າໝູ່. ເຖິງວ່າວິສາຫະກິດຕ່າງໆພວມແບ່ງພາລະດ້ານຕົ້ນທຶນໃຫ້ຜູ້ບໍລິໂພກ, ແຕ່ວ່າການເພີ່ມຂຶ້ນຂອງຕົ້ນທຶນໄວກວ່າການຂຶ້ນລາຄາຂອງສິນຄ້າ.
ບົດລາຍງານລະບຸອີກວ່າ, ເຖິງວ່າວິສາຫະກິດອາເມຣິກາຍັງມີທ່າທີໃນແງ່ດີຕໍ່ອະນາຄົດເສດຖະກິດອາເມຣິກາໃນໄລຍະສັ້ນ, ແຕ່ວິສາຫະກິດສ່ວນຫຼາຍຮູ້ສຶກເປັນຫ່ວງແລະບໍ່ແນ່ໃຈຕໍ່ສະຖານະການການຄ້າທີ່ເຄັ່ງຕຶງ, ວິສາຫະກິດຈຳນວນໜຶ່ງໄດ້ຫຼຸດຫຼືເລື່ອນເວລາແຜນການລົງທຶນແລ້ວ.
ຄຳເຫັນ
0