吴佳萱

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
老挝水坝_fororder_111111111

ທ່ານ​​ເຊ້ຍ​ເຈີ້ນ​ຫົວ​ເຂົ້າ​ຮ່ວມ​ພິທີ​ເປີດກອງ​ປະຊຸມ​ສຸດ​ຍອດ​ການ​ປ່ຽນ​ແປງ​ດິນ​ຟ້າ​ອາກາດ​ໂລກ

2018-09-14 16:50:10 cri

ຕອນ​ເຊົ້າ​ວັນ​ທີ 13 ກັນຍາ​ນີ້, ອົງການ​ປົກຄອງ​ລັດ​ຄາ​ລີ​ຟໍ​ເນຍອາ​ເມຣິກາ​​ເປັນ​ເຈົ້າພາບຈັດ​ກອງ​ປະຊຸມ​ສຸດ​ຍອດ​ການ​ປ່ຽນ​ແປງ​ດິນ​ຟ້າ​ອາກາດ​ຂອງ​ໂລກ​ຢູ່ນະຄອນຊັນ​ຟຣັນສິສ​ໂກ. ທ່ານ​ເຊ້ຍ​ເຈີ້ນ​ຫົວ ຜູ້ຕາງໜ້າ​ພິ​ເສດ​ວຽກ​ງານ​ການ​ປ່ຽນ​ແປງ​ດິນ​ຟ້າ​ອາກາດ​ຈີນ​ໄດ້​ເຂົ້າ​ຮ່ວມ​ພິທີ​ເປີດ ​ແລະກ່າວປາ​ໄສ.

ທ່ານ​ກ່າວ​ວ່າ: ການ​ປ່ຽນ​ແປງ​ດິນ​ຟ້າ​ອາກາດ​​ເປັນ​ບັນຫານັບ​ມື້​ນັບ​ຮີບ​ດ່ວນ, ບັນດາ​ປະ​ເທດຕ້ອງ​ເພີ່ມ​ທະວີ​ການ​ຮ່ວມ​ມື, ຈັດ​ຕັ້ງ​ປະຕິບັດ​ເພື່ອ​ໃຫ້​ເກີດ​ຜົນ​ປະ​ໂຫຍ​ດ​ແກ່​ທຸກ​ຝ່າຍ. ຈີນ​ໄດ້​ນຳ​ໃຊ້​ມາດຕະການ​ຕ່າງໆ ຄື: ປັບປຸງ​ໂຄງ​ປະກອບ​ອຸດສາຫະກຳ, ປະຢັດ​ພະລັງງານ, ຍົກ​ສູງ​ປະສິດທິພາບ​ໃນ​ການ​ນຳ​ໃຊ້​ພະລັງງານ ​ແລະ​ອື່ນໆ, ​ໄດ້ຮັບ​ຜົນ​ສຳ​ເລັດ​ຢ່າງ​ພົ້ນ​ເດັ່ນ. ຈີນ​ຈະ​ເພີ່ມ​ທະວີ​​ການຈັດ​ຕັ້ງ​ປະຕິບັດ​ມາດ​ຕະການ​ດັ່ງກ່າວ​ໃຫ້​ຫຼາຍ​ກວ່າ​ເກົ່າ ​ແລະ​ຮັກສາ​ຄຳ​ໝັ້ນ​ສັນຍາຂອງ​ຕົນ​ກ່ຽວ​ກັບ​ການຮັບ​ມື​ກັບ​ການ​ປ່ຽນ​ແປງ​ດິນ​ຟ້າ​ອາ​ກາດ​ໃຫ້ປາກົດ​ຜົນ​ເປັນ​ຈິງ. ຫວັງ​ວ່າ​ບັນດາ​ຝ່າຍ​ສະໜັບສະໜູນ​ຂໍ້​ລິ​ເລີ່​ມ “ຈັດ​ຕັ້ງ​ປະຕິບັດ​ການ​ຮັບ​ມືກັບ​ການ​ປ່ຽນ​ແປງ​ດິນ​ຟ້າ​ອາກາດຂອງ​ໂລກ” ທີ່ລິ​​ເລີ່​ມໂດຍ​ອົງການບໍ່​ສະ​ແຫວ​ງຫາ​ຜົນ​ປະ​ໂຫຍ​ດຂອງ​ຈີນ.

ກອງ​ປະຊຸມສຸດ​ຍອດ​ການ​ປ່ຽນ​ແປງ​ດິນ​ຟ້າ​ອາກາດ​ລັດຄາ​ລີ​ຟໍ​ເນຍອາ​ເມຣິກາ​ຄັ້ງ​ນີ້​ແມ່ນ​ຈັດ​ຂຶ້ນ​ໂດຍ​ອົງການ​ປົກຄອງ​ລັດ​ຄາ​ລີ​ຟໍ​ເນຍ ​ເພື່ອ​ຊຸກຍູ້​ການຈັດ​ຕັ້ງ​ປະຕິບັດ​ການຮັບ​ມື​ກັບ​ການ​ປ່ຽນ​ແປງ​ດິນ​ຟ້າ​ອາກາດລະດັບ​ແຂວງ-ລັດ​ທົ່ວ​ໂລກ.

 

 

ຄຳ​ເຫັນ

0