ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຮັດແນວໃດເຮັດໃຫ້ເຕັກນິກໃໝ່ສ້າງຄວາມຜາສຸກໃຫ້ແກ່ມວນມະນຸດດີກວ່າເກົ່າ? ກອງປະຊຸມສາກົນສອງຄັ້ງຕ່າງກັນທີ່ຈັດຂຶ້ນຢູ່ຈີນໃນເວລາດຽວກັນໄດ້ໃຫ້ຄຳຕອບແກ່ “ຄຳຖາມຍຸກສະໄໝ” ດັ່ງກ່າວແລ້ວ.
ວັນທີ 17 ຫາວັນທີ 19 ກັນຍານີ້, ກອງປະຊຸມປັນຍາປະດິດຫຼື AI ໂລກຄັ້ງທຳອິດຖືກເອີ້ນວ່າ “ງານໂອລິມປິກດ້ານ AI” ໄດ້ຈັດຂຶ້ນຢູ່ນະຄອນຊຽງໄຮ. ທ່ານສີຈິ້ນຜິງ ປະທານປະເທດຈີນໄດ້ສົ່ງສານອວຍພອນກອງປະຊຸມດັ່ງກ່າວ, ນີ້ສະແດງໃຫ້ເຫັນວ່າຈີນຍິນດີຮ່ວມກັນຊຸກຍູ້ການພັດທະນາ, ຮ່ວມກັນຮັກສາຄວາມໝັ້ນຄົງແລະຊົມໃຊ້ໝາກຜົນກັບບັນດາປະເທດໃນຂົງເຂດ AI. ສາມຂໍ້ຄວາມຮ່ວມຂ້າງເທິງນີ້ສະແດງໃຫ້ເຫັນວ່າ, ຢາກເຮັດໃຫ້ຕັກນິກສູງໃໝ່ເພື່ອສ້າງຄວາມຜາສຸກໃຫ້ແກ່ມວນມະນຸດດີກວ່າເກົ່າ, ຈິດສຳນຶກປະຊາຄົມຮ່ວມຊາຕາກຳມວນມະນຸດແລະຊຸກຍູ້ໂລກາພິວັດຕື່ມອີກແມ່ນຂໍກະແຈເພື່ອບັນລຸເປົ້າໝາຍດັ່ງກ່າວ.
ປັດຈຸບັນ, ມວນມະນຸດພວມດຳເນີນການປະຕິວັດອຸດສາຫະກຳຄັ້ງທີ 4, ນີ້ແມ່ນການປະຕິວັດດ້ານເຕັກນິກສູງໃໝ່ທີ່ສຸດທີ່ຖື AI, ພະລັງງານທີ່ໝູນວຽນທີ່ສະອາດ, ເຕັກນິກຮຸ່ນຍົນ, ເຕັກນິກການໂນໂລຊີຂໍ້ມູນຂ່າວສານ quantum, ເຕັກນິກ Virtual Reality, ເຕັກນິກຊີວະພາບແລະອື່ນໆເປັນຕົ້ນຕໍ. ກອງປະຊຸມປັນຍາປະດິດຫຼື AI ໂລກ 2018, ຄົນທັງຫຼາຍໄດ້ສຳຜັດການນຳໃຊ້ AI ໃນຂົງເຂດການສຶກສາ, ຮັກສາສຸຂະພາບ, ການທະນາຄານ, ການຂາຍຍ່ອຍ, ຄົມມະນາຄົມ, ການບໍລິການແລະອື່ນໆ, ທັງໄດ້ຮູ້ລະດັບການພັດທະນາຂອງຂະແໜງການ AI ຂອງຈີນ. “ປຶ້ມປົກຟ້າການພັດທະນາຂະແໜງການ AI ໂລກປີ 2018” ທີ່ກອງປະຊຸມດັ່ງກ່າວເປີດເຜີຍສະແດງໃຫ້ເຫັນວ່າ, ມາຮອດ 6 ເດືອນຕົ້ນປີນີ້, ຈຳນວນວິສາຫະກິດ AI ຂອງຈີນເປັນອັນດັບທີ 2 ຂອງໂລກ.
ກອງປະຊຸມສາກົນອີກເວທີໜຶ່ງທີ່ຈັດຂຶ້ນໃນໄລຍະດຽວກັນຄື:ກອງປະຊຸມເວທີປຶກສາຫາລືດາວອສ໌ລະດູຮ້ອນປີ 2018 ກໍ່ໄດ້ສຸມໃສ່ການປະຕິວັດອຸດສາຫະກຳຄັ້ງທີ 4 ເຊັ່ນກັນ,ຄົ້ນຄວ້າປຶກສາຫາລືກ່ຽວກັບການສ້າງສັງຄົມແບບປະດິດສ້າງໃໝ່ຈະເຮັດແນວໃດ. ໃນຂະນະທີ່ເຂົ້າຮ່ວມເວທີປຶກສາຫາລືທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ສະເໜີ 3 ຈຸດຢືນກ່ຽວກັບການທີ່ຈະພັດທະນາພະລັງແຮງໃໝ່ເພື່ອຊຸກຍູ້ການພັດທະນາເສດຖະກິດໂລກໃນຂະບວນການປະຕິວັດອຸດສາຫະກຳໃໝ່ໃຫ້ເຕີບໂຕເຂັ້ມແຂງແນວໃດນັ້ນ,ຄື: ເດັດດ່ຽວປົກປັກຮັກສາເສດຖະກິດໂລກາພິວັດ,ເພີ່ມທະວີແບບກວມລວມຂອງການພັດທະນາ,ອອກແຮງຊຸກຍູ້ໃຫ້ການປະດິດສ້າງໃໝ່ແລະການພັດທະນາມີຄວາມເຊື່ອມໂຍງເຂົ້າກັນ,ຂະນະດຽວກັນກໍໄດ້ສະແດງໃຫ້ເຫັນທັດສະນະທີ່ມີແຕ່ສ້າງຈິດສຳນຶກ “ປະຊາຄົມຮ່ວມຊາຕາກຳມວນມະນຸດ” ຈຶ່ງຈະສາມາດເຮັດໃຫ້ເຕັກໂນໂລຊີທີ່ຈະເລີນໃໝ່ສ້າງຄວາມຜາສຸກໃຫ້ແກ່ສັງຄົມມະນຸດໄດ້.
ກອງປະຊຸມສາກົນສອງເວທີດັ່ງກ່າວລ້ວນແຕ່ໄດ້ສຸມໃສ່ການທີ່ຈະເຮັດໃຫ້ເຕັກໂນໂລຊີຈະເລີນໃໝ່ສ້າງຄວາມຜາສຸກໃຫ້ແກ່ມວນມະນຸດເປັນຢ່າງດີກວ່າເກົ່າແນວໃດ,ເບິ່ງຄືວ່າເປັນເລື່ອງບັງເອີນ,ທີ່ຈິງແມ່ນເລື່ອງທີ່ຕ້ອງເກີດຂຶ້ນຈິງ. ການປະຕິວັດອຸດສາຫະກຳຄັ້ງທີ 4 ໄດ້ມາເຖິງແລ້ວ,ມັນມີຈຸດພິເສດຕ່າງໆຄືອີງໃສ່ເຄືອຂ່າຍອິນເຕີເນັດແລະເວທີ,ໄດ້ຜ່ອນຄາຍເງື່ອນໄຂດ້ານການອະນຸມັດໃຫ້ເຂົ້າຮ່ວມ,ເຊິ່ງໄດ້ສະໜອງໂອກາດທີ່ມີຄວາມສະເໝີພາບຫຼາຍກວ່າເກົ່າແລະສາມາດຮັບໄດ້ງ່າຍກວ່າເກົ່າໃຫ້ແກ່ໝົດທຸກຄົນໃນການເຂົ້າຮ່ວມການພັດທະນາ. ຂໍແຕ່ເສດຖະກິດໂລກາພິວັດສືບຕໍ່ຂະຫຍາຍຕົວໄປໜ້າ,ຫົວຄິດປະດິດສ້າງໃໝ່ຂອງທຸກຄົນກໍ່ຈະໄດ້ຮັບການເສີມຂະຫຍາຍໃຫ້ຫຼາຍກວ່າເກົ່າ, “ຮ່ວມກັນຊຸກຍູ້ການພັດທະນາ,ຮ່ວມກັນຮັກສາຄວາມໝັ້ນຄົງ,ຮ່ວມກັນຊົມໃຊ້ໝາກຜົນ”,ສຳຜັດກັບຊີວິດການເປັນຢູ່ທີ່ດີງາມກວ່າເກົ່າໃນກະແສການປະຕິວັດອຸດສາຫະກຳໃໝ່.
ຄຳເຫັນ
0