ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ກັນຍານີ້, ທ່ານ ໝ້າຈ່າວຊູ້ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວໃນກອງປະຊຸມເປີດເຜີຍຂອງສະພາຄວາມໝັ້ນຄົງອົງການສະຫະປະຊາຊາດກ່ຽວກັບສະຖານະການການເມືອງແລະມະນຸດສະທຳຂອງຊີຣີໂດຍເນັ້ນໜັກວ່າ: ຈີນສະໜັບສະໜູນຄວາມພະຍາຍາມທຸກຮູບແບບທີ່ມີຜົນດີຕໍ່ການຜ່ອນຄາຍສະຖານະການແລະຊຸກຍູ້ຂະບວນການແກ້ໄຂບັນຫາຊີຣີທາງການເມືອງ.
ທ່ານ ໝ້າຈ່າວຊູ້ ກ່າວວ່າ, ໃນໄລຍະຜ່ານມາ,ສະຖານະການອິດລິບຂອງຊີຣີໄດ້ຮັບຄວາມເອົາໃຈໃສ່ຢ່າງສູງຈາກປະຊາຄົມໂລກ. ຈີນຊົມເຊີຍຕໍ່ຖະແຫຼງການຮ່ວມທີ່ຜູ້ນຳຣັດເຊຍ,ຕວກກີແລະອີຣານຮ່ວມກັນວາງອອກໃນວັນທີ 7 ກັນຍານີ້,ແລະໄດ້ຍ້ອງຍໍຊົມເຊີຍຕໍ່ການພົບປະລະຫວ່າງຜູ້ນຳຣັດເຊຍ-ຕວກກີທີ່ຈັດຂຶ້ນຢູ່ເມືອງໂຊຊີໃນວັນທີ 17 ກັນຍານີ້ພ້ອມໄດ້ເຊັນ “ບົດບັນທຶກວ່າດ້ວຍການສ້າງເຂດຫຼຸດຜ່ອນການປະທະກັນຢູ່ອິດລິບໃຫ້ມີຄວາມໝັ້ນຄົງ”.
ທ່ານ ໝ້າຈ່າວຊູ້ ກ່າວຕື່ມວ່າ: ການແກ້ໄຂບັນຫາຜ່ານຊ່ອງທາງການເມືອງແມ່ນທາງອອກດຽວໃນການບັນລຸສັນຕິພາບແລະສະຖຽນລະພາບແບບຍາວນານຂອງຊີຣີ. ປະຊາຄົມໂລກຄວນສືບຕໍ່ສະໜັບສະໜູນໂດຍຖືເອົາ ສປຊ ເປັນຊ່ອງທາງໄກວ່ເກ່ຍຕົ້ນຕໍ,ຜ່ານການເຈລະຈາທາງການເມືອງແບບກວມລວມ,ສະແຫວງຫາແຜນການແກ້ໄຂທາງການເມືອງທີ່ສອດຄ່ອງກັບສະພາບຕົວຈິງຂອງຊີຣີແລະໄດ້ພິຈາລະນາເຖິງບັນຫາທີ່ແຕ່ລະຝ່າຍມີຄວາມກັງວົນຢ່າງເໝາະສົມ. ຝ່າຍຕ່າງໆຄວນເຄົາລົບເນື້ອໃນຕົ້ນຕໍແລະຫຼັກການຂອງກົດບັດສະຫະປະຊາຊາດແລະຫຼັກການພື້ນຖານຂອງການພົວພັນສາກົນທີ່ໄດ້ຮັບຄວາມເຫັນດີໂດຍທົ່ວໄປອື່ນໆ,ເຄົາລົບອະທິປະໄຕ,ເອກະລາດ,ເອກະພາບແລະຜືນແຜ່ນດິນອັນຄົບຖ້ວນຂອງຊີຣີຢ່າງເຕັມສ່ວນ.
ຄຳເຫັນ
0