ບົດ​ລາຍ​ງານ​ສະບັບ​ໜຶ່ງ​ທີ່​ສະ​ຖາ​ບັນ​ຄົ້ນຄວ້າ​ເສດຖະກິດ​ໂຄ​ລົງ​ເຢຍລະ​ມັນ​ເປີດ​ເຜີຍ​ໃນ​ວັນ​ທີ 19 ກັນຍານີ້​ສະ​ແດງ​ໃຫ້​ເຫັນ​ວ່າ ສະຖານະ​ການ​ທາງ​ການ​ຄ້າ​ຂອງ​ໂລກທີ່​ເຄັ່ງ​ຕຶງ​ເນື່ອງ​ຈາກ​ນະ​ໂຍບາຍ​ລັດທິ​ປົກ​ປ້ອງ​ການ​ຄ້າ​ອາ​ເມຣິກາ​ຈະ​ຖ່ວງດຶງ​​ຈັງຫວະ​ການ​ເຕີບ​ໂຕຂອງ​ເສດຖະກິດ​ເຢຍລະ​ມັນ​ໃຫ້ຫຼຸດລົງ​ຢ່າງຫຼວງຫຼາຍ.

ບົດ​ລາຍ​ງານ​ໄດ້​ປັບຫຼຸດຕົວ​ເລກ​ຄາດໝາຍ​ການ​ເຕີບ​ໂຕ​ຂອງ​ເສດຖະກິດ​ເຢຍລະ​ມັນ​ໃນ​ປີ 2018 ຈາກ 2% ລົງ​ເປັນ 1,8% ​ແລະ ສຳລັບ​ປີ 2019 ຈາກ 2% ລົງ​ເປັນ 1,4% ​ເຊິ່ງສາ​ເຫດ​ຕົ້ນຕໍ​​ມາ​ຈາກ​ລັດທິ​ປົກ​ປ້ອງ​ການ​ຄ້າ​ໄດ້​ຮຸນ​ແຮງ​ຂຶ້ນຕື່ມ.