ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 19 ກັນຍານີ້, ກ່ອນບຸນໄຫວ້ພະຈັນໃກ້ຈະໝູນວຽນມາເຖິງ, ທ່ານ ສີຈິ້ນຜິງ ປະທານປະເທດຈີນພ້ອມດ້ວຍທ່ານນາງ ເພີງລີ້ຢວນ ພັນລະຍາຂອງທ່ານ ໄດ້ໄປຢ້ຽມຢາມສົມເດັດ ນະໂຣດົມ ສີຫາໂມນີ ເຈົ້າຊີວິດລາຊະອານາຈັກກຳປູເຈຍແລະພະມານດາ ໂມນີນີດ ທີ່ກຳລັງພັກຜ່ອນຢູ່ຫໍຮັບແຂກເມືອງຕ້ຽວຢວີທາຍປັກກິ່ງ.
ກ່ອນອື່ນ, ທ່ານ ສີຈິ້ນຜິງ ໄດ້ສະແດງຄວາມອວຍພອນສົມເດັດສີຫະໂມນີແລະພະມານດາໂມນີນີດຈົ່ງມີຄວາມສຸກໃນວັນບຸນແລະມີສຸຂະພາບແຂງແຮງ. ທ່ານກ່າວວ່າ, ສາຍພົວພັນຈີນ-ກຳປູເຈຍສະໜິດແໜ້ນແລະພິເສດ ແລະໄດ້ຮັກແພງກັນຢ່າງເລິກເຊິ່ງໃນປະຫວັດສາດ. ນັບແຕ່ສອງປະເທດສ້າງຕັ້ງສາຍພົວພັນທາງການທູດຄົບຮອບ 60 ປີມານີ້, ມິດຕະພາບສອງປະເທດຖືກສ້າງຕັ້ງຂຶ້ນແລະຫຼໍ່ຫຼອມຮ່ວມກັນຢ່າງປານີດຈາກຜູ້ນຳຮຸ່ນອາວຸໂສຂອງຈີນແລະສົມເດັດສີຫການຸ ນັ້ນ ພວມນັບມື້ມີຊີວິດຊີວາຫຼາຍຂຶ້ນ. ສົມເດັດສີຫາໂມນີແລະພະມານດາໂມນີນີດໃຫ້ຄວາມສຳຄັນຕໍ່ມິດຕະພາບສອງປະເທດ ແລະ ໄດ້ປະກອບສ່ວນອັນສຳຄັນເພື່ອຂະຫຍາຍສາຍພົວພັນສອງຝ່າຍ. ຈີນຖະໜຸຖະໜອມມິດຕະພາບພິເສດກັບພະບໍລົມມະວົງສານຸວົງກຳປູເຈຍ.
ທ່ານ ສີຈິ້ນຜິງ ຍັງໄດ້ສະແດງຄວາມຊົມເຊີຍກຳປູເຈຍທີ່ໄດ້ຈັດການເລືອກຕັ້ງທົ່ວໄປຢ່າງສຳເລັດຜົນ ແລະໄດ້ຈັດຕັ້ງສະພາແຫ່ງຊາດແລະລັດຖະບານຊຸດໃໝ່ ແລະອວຍພອນໃຫ້ກຳປູເຈຍຈົ່ງໄດ້ຮັບຜົນງານຍິ່ງໃຫຍ່ກວ່າເກົ່າໃນພາລະກິດສ້າງສາປະເທດຊາດພາຍໃຕ້ບາລະມີຂອງສົມເດັດສີຫາໂມນີ ແລະພາຍໃຕ້ການນຳພາຂອງລັດຖະບານທີ່ນຳໂດຍທ່ານນາຍົກລັດຖະມົນຕີຮຸນແຊນ. ທ່ານ ສີຈິ້ນຜິງ ເນັ້ນວ່າ, ຈີນໃຫ້ຄວາມສຳຄັນສູງຕໍ່ສາຍພົວພັນກັບກຳປູເຈຍ, ຈະຮ່ວມກັບກຳປູເຈຍ ສືບທອດມິດຕະພາບອັນເປັນມູນເຊື້ອລະຫວ່າງສອງປະເທດ, ບຸກເບີກໃຫ້ກ້າວໄປໜ້າ, ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ຄຳເຫັນ
0