ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງສິນຄ້າສາກົນພາກຕາເວັນຕົກຈີນຄັ້ງທີ 17 ໄດ້ໄຂຂຶ້ນຢູ່ນະຄອນເຊີງຕູ່ແຂວງເສສວນໃນວັນທີ 20 ກັນຍານີ້ ໂດຍມີຫົວຂໍ້ຕົ້ນຕໍ “ຍຸກໃໝ່ຈີນ ການປ່ຽນແປງໃໝ່ຂອງພາກຕາເວັນຕົກ”, ອີຕາລີເປັນປະເທດກິຕິມະສັກ. ແຂກຜູ້ມີກຽດແລະນັກທຸລະກິດພາຍໃນແລະຕ່າງປະເທດທີ່ເຂົ້າຮ່ວມງານວາງສະແດງຄັ້ງນີ້ໄດ້ມີຫຼາຍກວ່າ 6 ໝື່ນຄົນ, ມີຄະນະຜູ້ແທນຈາກ 90 ປະເທດແລະເຂດແຄວ້ນໄດ້ເຂົ້າຮ່ວມງານ,ຈຳນວນວິສາຫະກິດທີ່ເຂົ້າຮ່ວມງານມີຫຼາຍກວ່າ 6 ພັນແຫ່ງ.
ນັບແຕ່ໄດ້ມີງານວາງສະແດງສິນຄ້າສາກົນພາກຕາເວັນຕົກຈີນໃນປີ 2000 ເປັນຕົ້ນມາ ໄດ້ຈັດງານຂຶ້ນ 16 ຄັ້ງຢ່າງສຳເລັດຜົນ,ນີ້ແມ່ນເວທີແຫ່ງການບໍລິການທາງການທູດ,ການຮ່ວມມືດ້ານການຄ້າແລະຊຸກຍູ້ການລົງທຶນທີ່ສຳຄັນຂອງຈີນຢູ່ເຂດພາກຕາເວັນຕົກ. ປັດຈຸບັນ,ງານວາງສະແດງດັ່ງກ່າວໄດ້ກາຍເປັນປະຕູທີ່ສຳຄັນຂອງຈີນໃນການເປີດປະຕູສູ່ພາຍນອກ,ແລະເປັນເວທີທີ່ສຳຄັນໃຫ້ແກ່ເຂດພາກຕາເວັນຕົກຂອງຈີນໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ແລະ ລົງເລິກການແລກປ່ຽນແລະການຮ່ວມມືກັບບັນດາປະເທດໃນໂລກ.
ຄຳເຫັນ
0