ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 20 ກັນຍານີ້, ກອງປະຊຸມເວທີປຶກສາຫາລືສື່ມວນຊົນສາກົນ “ເສັ້ນທາງສາຍໄໝທາງທະເລໃນສະຕະວັດທີ 21” ຄັ້ງທີ 2 ໄດ້ຈັດຂຶ້ນຢູ່ນະຄອນຈູ່ໄຫແຂວງກວາງຕຸ້ງ ສປ ຈີນ, ໂດຍສະຖານີວິທະຍຸແລະໂທລະພາບສູນກາງຈີນແລະອົງການປົກຄອງແຂວງກວາງຕຸ້ງເປັນເຈົ້າພາບຮ່ວມ. ນັກວິຊາການທີ່ມີຊື່ສຽງແລະເຈົ້າໜ້າທີ່ຊັ້ນສູງຂອງສື່ມວນຊົນໄດ້ແລກປ່ຽນບົດຮຽນຢ່າງເລິກເຊິ່ງກ່ຽວກັບມາດຕະການແລະໝາກຜົນການສ້າງ “ໜຶ່ງແລວໜຶ່ງເສັ້ນທາງ”, ເພີ່ມທະວີການຮ່ວມມືລະຫວ່າງຊື່ມວນຊົນແລະຫົວຂໍ້ອື່ນໆ.
ທ່ານເຈນ ເປເຣ ຮາຟເຣິນ ອະດີດນາຍົກລັດຖະມົນຕີຝຣັ່ງກ່າວວ່າ: “ໃນການຮ່ວມມືແບບ ‘ແລວເສດຖະກິດເສັ້ນທາງສາຍໄໝ’ແລະ ‘ເສັ້ນທາງສາຍໄໝທາງທະເລໃນສະຕະວັດທີ 21’, ປະເທດທີ່ກ່ຽວຂ້ອງທັງໝົດຮ່ວມກັນປຶກສາຫາລືກ່ຽວກັບການຮ່ວມມື, ສ້າງວິໄສທັດໃໝ່, ນີ້ແມ່ນສິ່ງສຳຄັນທີ່ສຸດສຳລັບເອີຣົບ.”
ທ່ານໂທມັສ ເຈ ຊາເກັນດ໌ ຜູ້ໄດ້ຮັບລາງວັນໂນແບນສາຂາເສດຖະສາດ, ສາສະດາຈານມະຫາວິທະຍາໄລນິວຢອກກ່າວໃນກອງປະຊຸມດັ່ງກ່າວວ່າ, “ຂໍ້ລິເລີ່ມ‘ໜຶ່ງແລວໜຶ່ງເສັ້ນທາງ’ບໍ່ພຽງແຕ່ມີຜົນດີຕໍ່ຈີນເທົ່ານັ້ນ, ທັງມີຜົນດີຕໍ່ທົ່ວໂລກ, ຍ້ອນວ່າຂໍ້ລິເລີ່ມນີ້ສາມາດສ້າງການແຂ່ງຂັນໃໝ່, ນີ້ຈະກະຕຸ້ນການພັດທະນາເສດຖະກິດຂອງໂລກ, ທັງຈະກໍ່ໃຫ້ເກີດແນວຄິດໃໝ່ໃນຂອບທົ່ວໂລກ.”
ໃນໂອກາດກ່າວປາໄສໃນກອງປະຊຸມເວທີປຶກສາຫາລືຕົ້ນຕໍ, ທ່ານຫູປ່າງເຊິ້ງ ຮອງຜູ້ອຳນວຍການໃຫຍ່ວິທະຍຸສາກົນແຫ່ງປະເທດຈີນຫຼື CRI ກ່າວວ່າ, ສື່ມວນຊົນຄວນຄົ້ນຄວ້າສະພາບການຂອງປະເທດຄູ່ເປົ້າໝາຍໃຫ້ຫຼາຍ, ຊອກຮູ້ຄວາມຕ້ອງການຂອງຜູ້ຊົມ, ເຄົາລົບນັບຖືຫຼັກການເຜີຍແຜ່ຂ່າວສາກົນ, ດຳເນີນການເຜີຍແຜ່ໂຄສະນາວັດທະນະທຳຂ້າມຊາດດ້ວຍສາຍຕາທີ່ເບິ່ງໄປທາງໜ້າຢ່າງຊື່ກົງ, ສະເໝີພາບກັນ, ແລະມີຄວາມທຸ່ນທ່ຽງ, ຕັ້ງໜ້າເພີ່ມທະວີການແລກປ່ຽນກັບສື່ມວນຊົນຂອງປະເທດລຽບຕາມເສັ້ນທາງສາຍໄໝ, ເອົາໃຈໃສ່ການຮ່ວມມືກັບວິສາຫະກິດຕ່າງໆ, ສະແຫວງສິ່ງທີ່ຄືກັນ ເຄົາລົບໃນສິ່ງທີ່ຕ່າງກັນ, ເພື່ອເສີມຂະຫຍາຍບົດບາດຂອງສື່ມວນຊົນທີ່ມີຢູ່ໃນການສ້າງເສັ້ນທາງສາຍໄໝ.
ຄຳເຫັນ
0