ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 21 ກັນຍານີ້, ສະຖານທູດຈີນປະຈຳມຽນມາໄດ້ຈັດງານລາຕີທີ່ມີຊື່ວ່າ “ມີຄວາມຮັກແພງກັນໃນບຸນໄຫວ້ພະຈັນ” ຢູ່ນະຄອນຢາງກຸ້ງ, ເພື່ອສະເຫຼີມສະຫຼອງບຸນໄຫວ້ພະຈັນ. ໂດຍທ່ານຫົງ ລຽງ, ເອກອັກຄະລັດຖະທູດຈີນປະຈຳມຽນມາ, ທ່ານປຽວ ມິນ ເທັນ, ເຈົ້າແຂວງຢາງກຸ້ງມຽນມາ, ບຸກຄົນສຳຄັນຈາກລັດຖະບານແລະວົງການອຸດສາຫະກຳການຄ້າຂອງຈີນກັບມຽນມາ, ຊາວຈີນຕ່າງດ້າວຢູ່ມຽນມາທັງໝົດ 400 ກວ່າຄົນເຂົ້າຮ່ວມ.
ທ່ານປຽວ ມິນ ເທັນ, ເຈົ້າແຂວງຢາງກຸ້ງມຽນມາກ່າວຄຳປາໄສວ່າ, ຈີນແມ່ນປະເທດຄູ່ຄ້າໃຫຍ່ທີ່ສຸດຂອງມຽນມາ, ທັງເປັນປະເທດລົງທຶນໃຫຍ່ທີ່ສຸດຂອງມຽນມາ, ແມ່ນຄູ່ຮ່ວມມືທີ່ສຳຄັນໃນການພັດທະນາຂອງມຽນມາ. ມິດຕະພາບລະຫວ່າງມຽນມາກັບຈີນຈາກມິດຕະພາບຖ້ານອ້າຍນ້ອງຍົກລະດັບຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ, ການແລກປ່ຽນແລະການຮ່ວມມືລະຫວ່າງສອງລັດຖະບານແລະປະຊາຊົນສອງປະເທດໄດ້ເປີດກວ້າງຢ່າງຕໍ່ເນື່ອງ, ຫວັງວ່າໃນອະນາຄົດຈະສືບຕໍ່ຈັດກິດຈະກຳຄືດັ່ງງານລາຕີ “ເທດສະການບຸນໄຫວ້ພະຈັນທີ່ເຕັມໄປດ້ວຍຄວາມຮັກແພງ” ເພື່ອເພີ່ມທະວີມິດຕະພາບແລະການແລກປ່ຽນດ້ານວັດທະນະທຳລະຫວ່າງສອງປະເທດ. ມຽນມາກັບຈີນມີຄວາມຄ້າຍຄືກັນຫຼາຍໃນດ້ານວັດທະນະທຳຮີດຄອງປະເພນີ, ເຊິ່ງຈະມີຜົນດີໃນການເຮັດໃຫ້ເສັ້ນທາງການພັດທະນາໃນອະນາຄົດຂອງສອງປະເທດມີຄວາມສະດວກຫຼາຍກວ່າເກົ່າ.
ຄຳເຫັນ
0