ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ກັນຍານີ້, ທ່ານໂຈນ ພົມເບ ມາກູຟູລີ, ປະທານາທິບໍດີຕັງຊານີປະກາດວ່າ, ນັບແຕ່ວັນທີ 21 ກັນຍານີ້ເປັນຕົ້ນໄປ, ທົ່ວປະເທດຕັງຊານີຈະໄວ້ອາໄລຕໍ່ຜູ້ປະສົບເຄາະຮ້າຍໃນເຫດການເຮືອຈົມທີ່ເກີດຂຶ້ນຢູ່ແຂວງມູວັນຊາ ພາກຕາເວັນຕົກສຽງເໜືອ ເປັນເວລາ 4 ວັນ. ໂຄສົກລັດຖະບານຕັງຊານີກ່າວວ່າ, ເຫດການເຮືອຈົມເທື່ອນີ້ ຢ່າງໜ້ອຍໄດ້ເຮັດໃຫ້ 131 ຄົນເສຍຊີວິດ.
ມື້ດຽວກັນ, ໃນເວລາກ່າວປາໄສທາງໂທລະພາບຕໍ່ທົ່ວປະເທດ, ທ່ານມາກູຟູລີກ່າວວ່າ, ການສຳຫຼວດເບື້ອງຕົ້ນສະແດງໃຫ້ເຫັນວ່າ, ເຮືອທີ່ເກີດເຫດລຳນັ້ນໄດ້ບັນທຸກເຄື່ອງແລະຜູ້ໂດຍສານເກີນນ້ຳໜັກ, ແລະຜູ້ຈັບຫາງເສືອບໍ່ແມ່ນນາຍເຮືອ. ທ່ານຮຽກຮ້ອງໃຫ້ດຳເນີນການສຳຫຼວດຮອບດ້ານຕໍ່ເຫດການເທື່ອນີ້.
ວັນທີ 21 ກັນຍານີ້, ສະຖານີໂທລະພາບແຫ່ງຊາດຕັງຊານີໄດ້ນຳເອົາຄວາມເວົ້າຂອງໂຄສົກລັດຖະບານມາລາຍງານວ່າ, ເຫດການເຮືອຈົມທີ່ເກີດຂຶ້ນຢູ່ແຂວງມູວັນຊາໃນຕອນບ່າຍວັນທີ 20 ກັນຍານີ້ ຢ່າງໜ້ອຍໄດ້ເຮັດໃຫ້ 131 ຄົນເສຍຊີວິດ.
ສະຖານີໂທລະພາບແຫ່ງຊາດຕັງຊານີຍັງແຈ້ງຂ່າວຕື່ມວ່າ, ໃນເວລາເກີດເຫດການ, ອາດຈະມີຜູ້ໂດຍສານຫຼາຍກວ່າ 200 ຄົນຢູ່ເທີງເຮືອ, ເຊິ່ງໄດ້ເກີນຄວາມສາມາດບັນທຸກຜູ້ໂດຍສານຢ່າງຫຼາຍ, ແລະຍັງໄດ້ບັນທຸກຊີມັງແລະຜະລິດຕະພັນກະສິກຳອື່ນໆ. ແຕ່ສື່ມວນຊົນທ້ອງຖິ່ນແຈ້ງຂ່າວວ່າ, ຢູ່ເທິງເຮືອ ໄດ້ບັນທຸກຜູ້ໂດຍສານປະມານ 300 ຄົນ.
ຄຳເຫັນ
0