ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໂອກາດຕອບຄຳຖາມຂອງນັກຂ່າວກ່ຽວກັບສະຖານີໂທລະພາບຊູແອັດອອກອາກາດໃນລາຍການໜຶ່ງທີ່ໃຊ້ຄຳເວົ້າດູຖູກຢຽບຫຍາມປະເທດຈີນໃນວັນທີ 24 ກັນຍານີ້, ທ່ານເກິງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນກ່າວປະນາມຢ່າງຮຸນແຮງຕໍ່ເລື່ອງນີ້, ຮຽກຮ້ອງໃຫ້ຜູ້ຮັບຜິດຊອບທີ່ກ່ຽວຂ້ອງຂອງຊູແອັດໃຊ້ມາດຕະການໃນທັນທີເພື່ອແກ້ໄຂຜົນສະທ້ອນທາງລົບ.
ທ່ານເກິງສວງ ກ່າວວ່າ, ຕອນຄ່ຳວັນທີ 21 ກັນຍານີ້, ສະຖານີໂທລະພາບຊູແອັດໄດ້ອອກອາກາດໃນລາຍການໜຶ່ງທີ່ໃຊ້ຄຳເວົ້າດູຖູກຢຽບຫຍາມປະເທດຈີນໃນລາຍການ “ຂ່າວຊູແອັດ”, ໄດ້ດູຖູກຢຽບຫຍາມແລະໂຈມຕີຄົນຈີນແລະປະເທດຈີນ. ຄຳຂອງຜູ້ດຳເນີນລາຍການທີ່ເຕັ້ມໄປດ້ວຍການດູໝິ່ນ, ອະຄະຕິແລະທ້າທາຍຈີນແລະເຜົ່າພັນເຊື້ອຊາດອື່ນ, ໄດ້ລະເມີດຈັນຍາບັນຜູ້ດຳເນີນລາຍການທັງໝົດ.
ທ່ານເກິງສວງກ່າວວ່າ, “ຈີນກ່າວປະນາມຢ່າງເຄັ່ງຂຶມຕໍ່ເລື່ອງນີ້, ກະຊວງການຕ່າງປະເທດຈີນແລະສະຖານທູດຈີນປະຈຳຊູແອັດໄດ້ປະທ້ວງແລະຄັດຄ້ານຢ່າງຮຸນແຮງຕໍ່ຊູແອັດຢູ່ທັງປັກກິ່ງແລະສະໂຕກໂຮມ. ຈີນຮຽກຮ້ອງໃຫ້ຜູ້ຮັບຜິດຊອບທີ່ກ່ຽວຂ້ອງຂອງສະຖານີໂທລະພາບຊູແອັດໃຊ້ມາດຕະການທັນທີເພື່ອແກ້ໄຂຜົນສະທ້ອນທາງລົບ, ພວກເຮົງຍັງສະຫງວນທ່າທີ່ໃນການປະຕິບັດມາດຕະການແກ້ໄຂກ່ຽວກັບເລື່ອງນີ້.”
ຄຳເຫັນ
0