ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ຕຳຫຼວດນິວຢອກປະເທດອາເມຣິກາຢືນຢັນໃນວັນທີ 7 ຕຸລານີ້ວ່າ, ອຸບັດເຫດລົດຕຳກັນທີ່ເກີດຂຶ້ນຢູ່ລັດນິວຢອກໃນວັນທີ 6 ຕຸລານີ້ໄດ້ເຮັດໃຫ້ 20 ຄົນເສຍຊີວິດແລ້ວ.
ເຈົ້າໜ້າທີ່ຕຳຫຼວດນິວຢອກໄດ້ຖະແຫຼງຂ່າວໃນຕອນບ່າຍວັນທີ 7 ຕຸລານີ້ວ່າ, ອຸບັດເຫດດັ່ງກ່າວເກີດຂຶ້ນໃນເວລາປະມານ 14 ໂມງຂອງວັນທີ 6 ຕຸລານີ້, ລົດເກງຂະໜາດໃຫຍ່ຄັນໜຶ່ງແລ່ນຢູ່ທາງຫຼວງຂອງເມືອງສະໂຄຮາຣີລັດນິວຢອກແລະໄດ້ຕຳກັບລົດຄັນໜຶ່ງບໍ່ມີຄົນທີ່ຈອດຢູ່ສະຖານທີ່ຈອດລົດຂະນະແລ່ນຜ່ານສີ່ແຍກ, ສົ່ງຜົນເຮັດໃຫ້18 ຄົນໃນລົດເກງດັ່ງກ່າວເສຍຊີວິດໝົດ, ນອກນີ້ຍັງມີຜູ້ຢູ່ແຄມທາງເສຍຊີວິດອີກ 2 ຄົນ. ສາຍເຫດທີ່ພາໃຫ້ເກີດອຸບັດເຫດດັ່ງກ່າວກຳລັງສືບສວນຢູ່.
ເຈົ້າໜ້າທີ່ຄະນະກຳມະການເພື່ອຄວາມປອດໄພການຂົນສົ່ງແຫ່ງຊາດອາເມຣິກາໄດ້ໄປເຖິງຈຸດເກີດອຸບັດເຫດເພື່ອຊ່ວຍເຫຼືອການສຳຫຼວດ, ທ່ານໂຣເບີດ ຊຳວອນ ປະທານຄະນະກຳມະການດັ່ງກ່າວກ່າວວ່າ, ນີ້ແມ່ນອຸບັດເຫດຄົມມະນາຄົມຄັ້ງໜຶ່ງທີ່ມີຈຳນວນຜູ້ເສຍຊີວິດຫຼາຍສຸດຂອງອາເມຣິການັບຕັ້ງແຕ່ເດືອນກຸມພາປີ 2009 ເປັນຕົ້ນມາ.
ຄຳເຫັນ
0