ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI, ໂດຍຕອບສະໜອງຕາມຄຳເຊື້ອເຊີນຂອງຜູ້ນຳຕັດຈີກີດສະຖານ,ໂຮນລັງ,ແບນຊິກແລະສະຫະພາບເອີຣົບ, ທ່ານ ຫຼີເຄີ້ສຽງ ນາຍົກລັດຖະມົນຕີຈີນຈະຢ້ຽມຢາມ 3 ປະເທດອາຊີ-ເອີຣົບແຕ່ວັນທີ 11 ຫາວັນທີ 19 ຕຸລານີ້,ພ້ອມທັງຈະເຂົ້າຮ່ວມກອງປະຊຸມນາຍົກອົງການຮ່ວມມືຊຽງໄຮທີ່ຈະຈັດຂຶ້ນຢູ່ນະຄອນຫຼວງດູຊັນແບແລະກອງປະຊຸມສຸດຍອດຜູ້ນຳອາຊີ-ເອີຣົບທີ່ຈະຈັດຂຶ້ນຢູ່ນະຄອນຫຼວງບຣຸກແຊນ.
ວັນທີ 9 ຕຸລານີ້, ກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ ໂດຍໄດ້ແນະນຳວຽກງານທີ່ກ່ຽວຂ້ອງແລະຈຸດປະສົງຕົ້ນຕໍຂອງການຢ້ຽມຢາມຄັ້ງນີ້ ແລະໄດ້ກ່າວວ່າ: ໃນການຢ້ຽມຢາມ 3 ປະເທດອາຊີ-ເອີຣົບຄັ້ງນີ້, ທ່ານ ຫຼີເຄີ້ສຽງ ນາຍົກລັດຖະມົນຕີຈີນຈະຮ່ວມກັບບັນດາຝ່າຍທີ່ກ່ຽວຂ້ອງປົກປັກຮັກສາລັດທິຫຼາຍຝ່າຍແລະການຄ້າເສລີ.
ທ່ານ ຈ່າງຈຸ່ນ ຜູ້ຊ່ວຍລັດຖະມົນຕີກະຊວງການຕ່າງປະເທດຈີນໄດ້ໃຫ້ຮູ້ວ່າ: ໃນໄລຍະເຂົ້າຮ່ວມກອງປະຊຸມ, ທ່ານ ຫຼີເຄີ້ສຽງ ຈະກ່າວປາໄສສຳຄັນໃນການເພີ່ມທະວີການພົວພັນຄູ່ຮ່ວມອາຊີ-ເອີຣົບແລະຮ່ວມກັນຮັບມືກັບສິ່ງທ້າທາຍພາຍໃຕ້ສະພາບການໃໝ່,ສະເໜີຂໍ້ລິເລີ່ມທີ່ຈີນສະໜັບສະໜູນການຮ່ວມມືອາຊີ-ເອີຣົບ,ພ້ອມທັງປະກອບຄຳຄິດຄຳເຫັນກ່ຽວກັບບັນຫາທີ່ສຳຄັນ ໃນສາກົນແລະພາກພື້ນ. ນອກນີ້, ທ່ານ ຫຼີເຄີ້ສຽງ ຍັງຈະພົບປະກັບຜູ້ນຳຂອງຫຼາຍປະເທດອີກດ້ວຍ.
ຄຳເຫັນ
0