李建祥

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ງານ​ວາງ​ສະ​ແດງ​ຜົນ​ການ​ປະ​ດິດ​ສ້າງວິ​ທະ​ຍາ​ສາດ​ເຕັກ​ນິກ​ຂອງ​ຈີນຈັດ​ຂຶ້ນ​ຢູ່​ບາງກອກ

2018-10-11 16:23:52 cri

    ງານ​ວາງ​ສະ​ແດງ​ຜົນ​ການ​ປະ​ດິດ​ສ້າງວິ​ທະ​ຍາ​ສາດ​ເຕັກ​ນິກ​ຂອງສະ​ຖາ​ບັນ​ວິ​ທະ​ຍາ​ສາດ​ແຫ່ງ​ຊາດ​ຈີນໄດ້ຈັດ​ຂຶ້ນ​ຢູ່ສູນ​ປະ​ຊຸມ​ແລະ​ວາງ​ສະ​ແດງ​ພະ​ລາ​ຊີ​ນີ​ສີ​ຣິ​ກິດ​ນະ​ຄອນຫຼວງ​ບາງກອກໃນ​ວັນ​ທີ 10 ຕຸ​ລານີ້ ໂດຍມີ​ເຈົ້າ​ຍິງ​ສິ​ລິນ​ທອນເຂົ້າ​ຮ່ວມ​ພິ​ທີ​ໄຂ​ງານ.

    ງານ​ວາງ​ສະ​ແດງ​ຄັ້ງ​ນີ້​ມີ​ຫົວ​ຂໍ້​ວ່າ “ການ​ປະ​ດິດ​ສ້າງ​ໃໝ່​ຊຸກ​ຍູ້​ການ​ພັດ​ທະ​ນາ, ວິ​ທະ​ຍາ​ສາດ​ເຕັກ​ນິກ​​ນຳພາ​ອະ​ນາ​ຄົດ”. ຜົນ​ງານ​ປະ​ດິດ​ສ້າງ​ໃໝ່​ດ້ານ​ວິ​ທະ​ຍາ​ສາດ​ເຕັກ​ນິກ​ລະ​ດັບ​ນຳ​ໜ້າ​ໂລກ​ເກືອບ 30 ລາຍ​ການ ແລະ ເຕັກ​ນິກວິ​ທະ​ຍາ​ສາດ 100 ກວ່າ​ລາຍ​ໃນ 11 ຂົງ​ເຂດ​​ເຊັ່ນ: ອ​ະ​ວະ​ກາດ, ຊີ​ວະວິ​ທະ​ຍາ​, ພະ​ລັງ​ງານ​ແລະ​ອື່ນໆ​ຂອງ​ສະ​ຖາ​ບັນ​ວິ​ທະ​ຍາ​ສາດ​ແຫ່ງ​ຊາດ​ຈີນ​ໄດ້​ນຳ​ໄປວາງ​ສະ​ແດງ ເຊິ່ງ​ເປັນ​ຄັ້ງ​ທຳ​ອິດ​ທີ່​ຜົນ​ງານ​ປະ​ດິດ​ສ້າງ​ໃໝ່​ດ້ານ​ວິ​ທະ​ຍາ​ສາດ​ເຕັກ​ນິກ​ຂອງ​ສະ​ຖາ​ບັນ​ວິ​ທະ​ຍາ​ສາດ​ແຫ່ງ​ຊາດ​ຈີນ​ວາງ​ສະ​ແດງ​ຢູ່​ຕ່າງ​ປະ​ເທດ.

    ທ່ານ ຫຼວີ​ຈ້ຽນ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ໄທ​ກ່າວ​ວ່າ, ກາ​ນ​ຮ່ວມ​ມື​ດ້ານ​ການ​ປະ​ດິດ​ສ້າງວິ​ທະ​ຍາ​ສາດ​ເຕັກ​ນິກ ແມ່ນ​ເນື້ອ​ໃນ​ສຳ​ຄັນ​ຂອງ​ການ​ຮ່ວມ​ມື​ບົນ​ຈິດ​ໃຈ​ມິດ​ຕ​ະ​ພາບ​ແລະ​ການ​ແລກ​ປ່ຽນ​ວັດ​ທະ​ນະ​ທຳ​ລະ​ຫວ່າງ​ຈີນ​ກັບ​ໄທ ແລະ ກໍ​ແມ່ນ​ພະ​ລັງ​ແຮງ​ທີ່​ສຳ​ຄັນ​ໃນ​ການ​ຊຸກ​ຍູ້​ສອງ​ປະ​ເທດ​ໃຫ້​ດຳ​ເນີນ​ການ​ຮ່ວມ​ມື​ທີ່​ມີ​ຄຸນ​ນະ​ພາບ​ສູງກວ່າ​ເກົ່າ​ແລະ​ມີ​ລະ​ດັບ​ສູງກວ່າ​ເກົ່າ. ທ່ານກ່າວ​ຕື່ມ​ວ່າ, ລັດ​ຖະ​ບານ​ສອງ​ປະ​ເທດ ຈະ​ສືບ​ຕໍ່​ເພີ່ມ​​ພະ​ລັງແຮງ​ໃນ​ການ​ສະໜັບ​ສະ​ໜູນ​ການ​ຄົ້ນ​ຄວ້າ​ພັດ​ທະ​ນາ​ຮ່ວມ​ກັນ​ຢ່າງຫຼວງຫຼາຍ. ສອງ​ຝ່າຍ​ຈະ​ປຶກ​ສາ​ຫາ​ລື​ເພື່ອ​ຕົກ​ລົງ​ຮ່ວມ​ມື​ໃນ 10 ໂຄງ​ການ​​ດ້ານ​ວິ​ທະ​ຍາ​ສາດ​ເຕັກ​ນິກ​ລະ​ຫວ່າງ​ສອງ​ປະ​ເທດ​ກ່ອນ​ທ້າຍ​ປີນີ້ ແລະ ຈີນ​ຈະ​ສະ​ໜອງ​ເງິນ​ສູງ​ສຸດ 1 ລ້ານຢວນ​ໃຫ້​ແຕ່​ລະ​ໂຄງ​ການ.

ຄຳ​ເຫັນ

0