ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ຕຸລານີ້, ທ່ານຂົງຊວນຢົ້ວ ຮອງລັດຖະມົນຕີກະຊວງການຕ່າງປະເທດຈີນ, ທ່ານອີໂກ ມໍກູລົຟ ຮອງລັດຖະມົນຕີກະຊວງການຕ່າງປະເທດຣັດເຊຍ ແລະ ທ່ານເຈຊຸນຮຸຍ ຮອງລັດຖະມົນຕີກະຊວງການຕ່າງປະເທດ ສປປ ເກົາຫຼີໄດ້ເຈລະຈາກັນຢູ່ນະຄອນຫຼວງມົສກູປະເທດຣັດເຊຍ ໂດຍໄດ້ປຶກສາຫາລືກັນກ່ຽວກັບສະຖານະການແຫຼມເກົາຫຼີ.
ກ່ຽວກັບເລື່ອງນີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນວັນທີ 10 ຕຸລານີ້ວ່າ, ການເຈລະຈາຄັ້ງນີ້ໄດ້ສົ່ງສັນຍານອອກມາວ່າ, ຄວນແກ້ໄຂບັນຫາແຫຼມເກົາຫຼີດ້ວຍວິທີທາງການທູດໂດຍສັນຕິ. ທ່ານກ່າວຕື່ມວ່າ: “ສາມຝ່າຍໄດ້ສະແດງຄວາມຊົມເຊີຍຕໍ່ສະຖານະການແຫຼມເກົາຫຼີໄດ້ປາກົດມີທ່ວງທ່າຂະຫຍາຍຕົວທີ່ຕັ້ງໜ້າໃນໄລຍະໜຶ່ງມານີ້ ແລະ ສະໜັບສະໜູນຄວາມພະຍາຍາມຂອງບັນດາຝ່າຍ ເພື່ອຊຸກຍູ້ຂະບວນການແກ້ໄຂບັນຫາແຫຼມເກົາຫຼີຈາກທາງການເມືອງ. ສາມຝ່າຍເຫັນວ່າ, ຄວນຊຸກຍູ້ຂະບວນການປອດນິວເຄຼຍແຫຼມເກົາຫຼີ ແລະ ສ້າງກົນໄກສັນຕິພາບຢູ່ແຫຼມເກົາຫຼີຢ່າງດຸນດ່ຽງກັນ. ບັນດາຝ່າຍທີ່ກ່ຽວຂ້ອງຄວນຮັກສາທ່ວງທ່າສົນທະນາກັນ, ໃຊ້ມາດຕະການທີ່ສົມຄູ່ກັນ, ເດີນໄປຕາມທິດທາງທີ່ຄືກັນ, ຊຸກຍູ້ໃຫ້ການເຈລະຈາສັນຕິພາບແຫຼາເກົາຫຼີໄດ້ຮັບຄວາມຄືບໜ້າທີ່ຕັ້ງໜ້າ ເພື່ອບັນລຸສັນຕິພາບຖາວອນຢູ່ແຫຼມເກົາຫຼີ ແລະ ພາກພື້ນ”.
ຄຳເຫັນ
0