ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຈີນ: ກອງປະຊຸມສຳມະນາການຮ່ວມມືໃນການປະຕິບັດສົນທິສັນຍາແຮງງານທາງທະເລສາກົນຈີນ-ອາຊຽນຄັ້ງທຳອິດໄດ້ຈັດຂຶ້ນຢູ່ນະຄອນກວາງໂຈ່ວແຂວງກວາງຕຸ້ງຈີນໃນວັນທີ 10 ຕຸລານີ້ ໂດຍມີເຈົ້າໜ້າທີ່ລັດຖະບານຈາກ 9 ປະເທດອາຊຽນ ເຊັ່ນ: ລາວ, ກຳປູເຈຍ ເປັນຕົ້ນ ພ້ອມທັງຜູ້ຕາງໜ້າຈາກອົງການແຮງງານສາກົນ, ຜູ້ຕາງໜ້າວິທະຍາໄລທີ່ກ່ຽວຂ້ອງ, ຜູ້ຕາງໜ້າວົງການປະກັນໄພ ແລະ ວົງການເດີນເຮືອເປັນຕົ້ນທັງໝົດ 50 ກວ່າຄົນເຂົ້າຮ່ວມ.
ໃນກອງປະຊຸມສຳມະນາຄັ້ງນີ້, ຜູ້ທີ່ເຂົ້າຮ່ວມກອງປະຊຸມໄດ້ລົງເລິກປຶກສາຫາລືກັນກ່ຽວກັບກົນໄກຮ່ວມມືປະຕິບັດສົນທິສັນຍາຕ່າງໆ ເຊັ່ນ: ກົນໄກແລກປ່ຽນຂໍ້ມູນຂ່າວສານໃນການປະຕິບັດ “ສົນທິສັນຍາແຮງງານທາງທະເລປີ 2006”, ກົນໄກປຶກສາຫາລືຮ່ວມກັນກ່ຽວກັບຮ່າງຍັດຕິຂອງສົນທິສັນຍາສະບັບດັ່ງກ່າວ, ການປະຕິບັດສົນທິສັນຍາສະບັບດັດແກ້ປີ 2014 ແລະ ກົນໄກປະຕິບັດງານໃນການຊ່ວຍເຫຼືອແຮງງານທາງທະເລທີ່ຖືກປະຖິ້ມເປັນຕົ້ນ. ຜ່ານຈາກການເພີ່ມທະວີການຮ່ວມມືກັນ ເພື່ອຍົກສູງຄວາມສາມາດໃນການປະຕິບັດສົນທິສັນຍາຂອງຈີນແລະບັນດາປະເທດອາຊຽນ, ທັງປົກປ້ອງສິດແລະຜົນປະໂຫຍດຂອງແຮງງານທາງທະເລຢ່າງແທ້ຈິງ ແລະ ເພີ່ມຄວາມມີຊີວິດຊີວາໃໝ່ໃຫ້ແກ່ການສ້າງ “ປະຊາຄົມຮ່ວມຊາຕາກຳຈີນ-ອາຊຽນ”.
ຄຳເຫັນ
0